2017 оны 9 дугаар сарын 1-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  11.7–14.2 градус, агаарын хамгийн их температур 24.0–28.1 градус, хамгийн бага температур -0.4 градус хүйтнээс 4.9 градус дулаан.  Хөрсний дундаж температур  15.1–19.2 градус, хамгийн их температур 41.6–51.2 градус дулаан, хамгийн бага температур -1.3 градус хүйтнээс 4.3 градус  дулаан  байлаа .

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар 3-9 удаа  тунадас орж Сүхбаатар, Цагааннуур, Ерөө, Бугант, Хүдэр, Зүүнбүрэн сумдын нутгаар  30.0-74.5 мм, бусад сумдын нутгаар 12.9– 21.1 мм  орсон байна.  

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Мандал, Ерөө, Орхон, Цагааннуур, Орхонтуул, Хүдэрь Хушаат  сумдын нутгаар  12-22м/с, бусад сумдын нутгаар 7-9м/с, салхитай өдрийн тоо ихэнх сумдын нутгагт 2-7 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Нутгийн 60 хувьд нь зуншлага сайн, 40 орчим хувьд дунд. Бэлчээрийн ургамлын өндөр 7-59см. Улаанбуудайн ургалт ихэнх сумдын нутгаар сайн, ургамлын өндөр 32-78 см байна.  Цагааннуур сум сүүн бололт, Орхон аарцан бололт,  Ерөө, Зүүнбүрэн, Баянгол,  Орхонтуул сумдууд бүрэн бололтын үе шатанд орсон.

Хөрсний чийгшил:  Улаанбуудайн  талбайн 0-20см-т  Цагааннуур, Ерөө сумдын нутгаар хангалттай,  Баянгол, Орхон, Орхонтуул сумдын нутгаар дунд, 0-50см-т Цагааннуур, Ерөө, Орхон сумдын нутгаар хангалттай,  Баянгол, Орхонтуул сумдун нутгаар дунд, 0-100см–т Цагааннуур, Ерөө, Орхон сумдын нутгаар хангалттай, Орхонтуул сумын нутгаар дунд.  Бэлчээрийн талбайд 0-20см, 0-50см-т Орхон, Ерөө сумдын нутгаар хангалттай, Баянгол сумын нутгаар  дунд, 0-100см-т Ерөө,Орхон сумдын нутгаар дунд гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 1-р арав хоногт ихэнх сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 2-5  тоологдсон.Таримал ургамалд Зүүнбүрэнд бараан далавчит, гессений ялаа дундажаар 6 ажиглагдсан байна. Бусад сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  малд мал оторлох, хадлан тэжээл бэлтгэх ажлууд үргэлжилж байна.  Газар тариаланд төмс, хүнсний ногоо хураах,  уринш бэлтгэх, улаанбуудайн ангилан болон шууд хураалтын ажилууд  явагдаж   байна.