2018 оны 4 дүгээр сарын 2-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  5.8-7.8 градус буюу ихэнх сумдын нутгаар ожд-аас 1,6-4,4 градусаар дулаан,  агаарын хамгийн их температур 20.9-24.0 градусаар  дулаан,   хамгийн бага температур  -3.5… - 7.2 градус хүйтэн  байлаа.  Хөрсний дундаж температур  8.4 – 11.2 градус ,  хамгийн их температур 32.8-45.3 градус дулаан,  хамгийн бага температур  -5.7 …–11.4 градус хүйтэн байлаа.

Хур тунадастай өдрийн тоо, тунадасны хэмжээ:   Энэ  арав хоногт хур тунадас  ихэнх сумдын  нутгаар  0.0-17.7мм, Ерөө, Хүдэр, Бугант, Хушаат  сумдын нутгаар ожд-аас ахиу, Баянгол, Мандал, Орхон, Орхонтуул сумдын нутгаар  дунджийн орчим бусад сумдын нутгаар ожд-аас бага  хур тунадас орсон байна

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Цагаанннуур, Ерөө, Баянол, Орхон Мандал, Орхонтуул, Зүүнбүрэн, Хушаат сумдын нутгаар  17-23м/с, бусад сумдын нутгаар 7-9м/с, салхитай өдрийн тоо ихэнх сумдын нутгагт 1-5 өдөр салхитай байлаа.  

Бэлчээрийн ургамлын үе шат, өндөр, ургалтын балл: Энэ арав хоногт ихэнх сумдын нутгаар ургамал цухуйсан,  ургамлын өндөр 0-3 см, ургалтын байдал 80 гаруй хувьд сайн, 20 орчим хувьд дунд байна.

Хөрсний чийгшил:  Уриншилсан  талбайн 0-20см гүнд  Баянгол, Орхон сумдын нутагт дунд,  Ерөө, Цагааннуур, Орхонтуул сумдын нутгаар  хангалттай, 0-50см гүнд Ерөө, Баянгол ,Цагааннуур, Орхон, Орхонтуул сумдын нутгаар  хангалттай, Бэлчээрийн талбайд 0-20см гүнд Орхон хангалтгүй,  Ерөө  хангалттай,  0-50см  гүнд Орхон дунд, Ерөө хангалттай байна.

Бэлчээрийн ургамлын хөнөөлт царцааны ажиглалт: Нийт  сумдын нутгаар царцаа ажиглагдаагүй

.Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх бог, бод малын төллөлт, хөөвөр хялгас авах, мал оторлох  ажил  үргэлжилж байна. Газар тариаланд хаврын хагалгаа, борной явуулах ажилууд эхэлсэн

  Тойм бичсэн                                      Г. Мөнгөнтуяа