2019 оны 6 дугаар сарын 1-р арав хоногийн ХААЦУ-ын тойм.

Агаарын температур: Нийт сумдын нутгаар арав хоногийн агаарын дундаж температур 15.1-18.9 градус, агаарын хамгийн их температур 31.8-33.6 градус дулаан,   хамгийн бага температур  2,4…-1.2 градус хүйтэн.  Хөрсний дундаж температур  20.7-28.0 градус, хамгийн их температур 54.8-66,1 градус дулаан,  хамгийн бага  температур 0.6... -3.6 градус хүйтэн байлаа.

Хур тунадастай өдрийн тоо, тунадасны хэмжээ: Сүхбаатар, Баянгол, Зүүнбүрэн, Түшиг, Хүдэр, Орхон, Бугант сумдын нутгаар 9.4-16.8мм бусад сумдын нутгаар 3.5-7.9мм,  2-6 өдөр орсон.

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Баруунбүрэн сумдын нутгаар 11-18м/с, бусад сумдын нутгаар 6-9м/с хүрсэн байна.  

Бэлчээрийн ургамал: Ургамлын ургалтын байдал 40 хувьд сайн, 50 орчим хувьд дунд, 10 гаруй хувьд Цагааннуур, Орхонтуул сумдын нутгаар муу. Ургамлын өндөр 3-12 см байлаа.

Таримал ургамал: Буудайн ургалтын байдал нийт сумдын нутгаар сайн,  3дахь навчлалтын үе шатанд орсон, ургамлын өндөр  16-17см байна.

Хөрсний чийгшил:  Тариалангийн талбайн 0-20, 0-50см-ийн гүнд Ерөө хангалттай, Баянгол, Цагааннуур, Орхон, Орхонтуул, Мандал сумдын нутгаар хангалтгүй, Бэлчээрийн талбайн 0-20,0-50см-ийн гүнд  Ерөө дунд,  Баянгол,  Орхон сумдын нутгаар чийг  хангалтгүй байна.

Бэлчээрийн ургамлын хөнөөлт царцааны ажиглалт: Сүхбаатар, Ерөө, Хушаат сумдын нутгаар бараан далавчит, тоонолжилт  царцаа 1м² -т  хүрээнд дунджаар 1-2 ажиглагдсан.

Хөдөө аж ахуйн үйлдвэрлэлд:  МАА-н үйлдвэрлэлд  ихэнх сумдын нутгаар  бод мал төллүүлэх, мал оторлох, газар тариалангийн үйлдвэрлэлд төмс, хүнсний ногоо тариалах ажил явагдаж байна.

     Тойм бичсэн               Р.Шинэбаяр