2020 оны 6-дугаар сарын 3-р арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  19.0-21.5градус,  агаарын  хамгийн  их  температур 30.1-34.7 градус ,   хамгийн  бага  температур   7.7-12.1 градус дулаан. Хөрсний  дундаж  температур  23.0-31.3 градус,   хамгийн  их  температур 52.3-63.1 градус,  хамгийн  бага  температур 4.8-11.4 градус  дулаан байлаа.

Хур тунадастай өдрийн тоо, тунадасны хэмжээ: Баянгол, Ерөө, Орхонтуул, Мандал, Хүдэр, Сүхбаатар сумдын нутгаар 7.7-26.2мм бусад сумдын нутгаар 2.2-5.6мм тунадас, 2-8 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Хүдэр  сумдын нутгаар 10-18м/с, бусад сумдын нутгаар 5-8м/с хүрсэн байна.    

Бэлчээрийн  ургамлын үе шат, өндөр, ургац, ургалтын байдал: 6 дугаар сарын 30-ны байдлаар  ургамлын ургалтын  байдал 70 гаруй  хувьд нь сайн, 30 орчим  хувьд  дунд, ургамлын дундаж өндөр 5-37см, Сүхбаатар, Мандал, Ерөө, Зүүнбрэн, Түшиг, Хүдэр, Бугант сумдын нутгаар 3.4-7.2ц/га бусад сумдын нутгаар 0.3-1.3ц/га байлаа.

Улаанбуудайн ургалтын байдал нийт  сумдын  нутгаар сайн, Баянгол 3дахь навчлалт, Цагааннуур, Орхонтуул  сумдын нутгаар бутлалт, Ерөө, Орхон сумд гол хатгалтын  үе шатанд орсон,  ургамлын өндөр 25-38см.

Хөрсний чийгшил: Буудай, төмсний талбайн 0-20см-ийн гүнд Баянгол, Цагааннуур, Орхон, Орхонтуул  сумдын нутгаар чийг хангалтгүй, Мандал, Ерөө хангалттай, 0-50см-ийн гүнд Цагааннуур,  Баянгол, Орхонтуул сумд хангалтгүй, Орхон дунд,  Ерөө, Мандал   хангалттай, , 0-100см-ийн гүнд  Баянгол, Орхонтуул, Цагааннуур хангалтгүй, Орхон дунд, Ерөө, Мандал сумдын нутгаар хангалттай  

Бэлчээрийн талбайн 0-20см-ийн гүнд  Орхон, Баянгол, Ерөө сумдын нутгаар  хангалтгүй, 0-50, 0-100см- ийн гүнүүдэд  Орхон,  Баянгол,  хангалтгүй, Ерөө дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Бөянгол, Зүүнбүрэн, Түшиг, Хүдэр, Мандал сумдын нутгаар бараан далавчит, тоонолжилт, барбины таршаа ажиглагдсан бөгөөд 1м²–т хүрээнд дундажаар 1-7 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд Хонь хяргах, мал оторлох,  газар тариалангийн үйлдвэрлэлд , төмс хүнсний ногоо услах, хор, бордоо цацах, уринш боловсруулах ажилууд явагдаж байна.