2021 оны 4-р сарын 1-дүгээр арав хоногийн ХААЦУ-ын тойм

Агаарын температур: Арав хоногийн агаарын дундаж температур 4.7 градус дулаан  буюу ихэнх  сумдын нутгаар  олон жилийн дунджаас 2.0-5.2 градусаар дулаан,  хамгийн их температур 18.3-21.1 градус дулаан, хамгийн бага температур 5.5-9.5 градус хүйтэн.  Хөрсний дундаж температур 3.8-10.7 градус,  хамгийн их температур 23.1-45.8 градус дулаан,  хамгийн бага температур  7.6-10.9 градус хүйтэн байлаа.

Хур тунадастай өдрийн тоо, тунадасны хэмжээ: Мандал, Хүдэр, Бугант, Орхон, Ерөө, Орхонтуул, Баруунбүрэн сумдын нутгаар 0,0-3,1мм бусад сумдын нутгаар хур тунадас ороогүй.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Хушаат сумдын нутгаар 12-17м/с, бусад сумдын нутгаар 5-11м/с хүрсэн байна.    

Бэлчээрийн  ургамлын үе шат, өндөр, ургалтын байдал: 4-дүгээр сарын 10-ны байдлаар  ургамлын ургалтын  байдал 11 хувьд сайн, 60 гаруй  хувьд нь дунд,  23 хувьд  ургамал цухуйгаагүй, ургамлын дундаж өндөр 0-2см байна.

 Хөрсний чийгшил: Буудай, төмсний талбайн 0-20см, Баянгол, Орхон, Орхонтуул  сумдын нутгаар чийг хангалтгүй, Цагааннуур дунд, Ерөө, Мандал сумдын нутгаар  хангалттай, 0-50см-ийн гүнд Баянгол хангалтгүй, Орхон, Орхонтуул сумд дунд,  Ерөө, Цагааннуур,  Мандал   хангалттай гэсэн үнэлгээтэй байна.

Бэлчээрийн талбайн 0-20см-ийн гүнд  Орхон, Баянгол, Ерөө сумдын нутгаар чийг хангалтгүй, 0-50, см- ийн гүнд  Орхон,  Баянгол,  хангалтгүй, Ерөө хангалттай.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд малд нэмэгдэл тэжээл өгөх,бод, бог мал төллүүлэх,  ямаа самнах ажилууд явагдаж байна.