2021 оны 4-р сарын 2-р арав хоногийн ХААЦУ-ийн тойм.

Агаарын температур: Арав хоногийн агаарын дундаж температур 3.8-5.8 градус дулаан хамгийн их температур 19.7-24.4 градус дулаан, хамгийн бага температур 9.1-13.3 градус хүйтэн.  Хөрсний дундаж температур 5.8-11.2 градус дулаан,  хамгийн их температур 29.8-46.6 градус дулаан,  хамгийн бага температур  10.4-17.0 градус хүйтэн байлаа.

Хур тунадастай өдрийн тоо, тунадасны хэмжээ: Хүдэр, Орхонтуул, сумдын нутгаар 2.4-7.6мм тунадас, бусад  сумдын нутгаар 0,0-1,6мм  тунадас 1-2 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Баруунбүрэн, Зүүнбүрэн, Хушаат сумдын нутгаар 12-19м/с, бусад сумдын нутгаар 7-8м/с хүрсэн байна.    

Бэлчээрийн  ургамлын үе шат, өндөр, ургалтын байдал: 4-дүгээр сарын 20-ны байдлаар  ургамлын ургалтын  байдал 11 хувьд сайн, 60 гаруй  хувьд нь дунд,  23 хувьд ургамал цухуйгаагүй, ургамлын дундаж өндөр 0-3см байна.

Хөрсний чийгшил: Буудай, төмсний талбайн 0-20см, Баянгол, Орхон, Цагааннуур  сумдын нутгаар чийг хангалтгүй, Орхонтуул, Мандал дунд, Ерөө  хангалттай, 0-50см-ийн гүнд Цагааннуур, Баянгол, Орхон, Орхонтуул, Мандал хангалтгүй, Ерөө дунд  гэсэн үнэлгээтэй байна.

Бэлчээрийн талбайн 0-20см-ийн гүнд  Орхон, Баянгол сумдын нутгаар чийг хангалтгүй, Ерөө дунд, 0-50, см- ийн гүнд  Орхон, Ерөө,  Баянгол сумдын нутгаар  хангалтгүй гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд малд нэмэгдэл тэжээл өгөх,бод, бог мал төллүүлэх,  ямаа самнах ажилууд явагдаж байна.