2022 оны 5-р сарын 3-р арав хоногийн ХААЦУ-ийн тойм.

Агаарын температур: Арав хоногийн агаарын дундаж температур   14.8…17.0 градус дулаан,  хамгийн их температур  29.5-31.3 градус дулаан,   хамгийн бага температур  -2.5 хүйтэнээс 2.4 градус дулаан.  Хөрсний дундаж температур  17.6…23.4 градус  дулаан,  хамгийн их температур 40.3-60.3 градус дулаан,  хамгийн бага температур  -4.2 хүйтэнээс 0.3 градус дулаан байлаа.

Хур тунадастай өдрийн тоо, тунадасны хэмжээ: Баруунхараа, Орхон, Орхонтуул, Баруунбүрэн  сумдын нутгаар  11.1-18.2мм тунадас, бусад сумдын нутгаар 1.0-9.8мм тунадас орсон  байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол,Орхон, Ерөө, Орхонтуул, Цагааннуур,  Мандал, сумдын нутгаар 16-23м/с бусад сумдын нутгаар 8-14м/с 1-9 өдөр хүрсэн  байна. 

Бэлчээрийн  ургамлын үе шат, өндөр, ургалтын байдал: 5-дүгээр сарын 31-ны байдлаар  ургамлын ургалтын  байдал 80 хувьд сайн, 20 гаруй  хувьд нь дунд,  ургамлын дундаж өндөр 3-12см байна.

Хөрсний чийгшил: Буудай, төмсний талбайн 0-20см, Цагааннуур, Баянгол, Орхон, Орхонтуул, Ерөө, Зүүнхараа хангалтгүй,   0-50см-ийн гүнд Баруунхараа,  Зүүнхараа хангалттай, Цагааннуур, Ерөө Орхонтуул  дунд, Баянгол хангалтгүй  гэсэн үнэлгээтэй байна.

Бэлчээрийн талбайн 0-20см, Баянгол, Орхон, Ерөө хангалтгүй, 0-50см- ийн гүнд Баянгол, Орхон, Ерөө хангалтгүй,   0-100см-ийн гүнд Баянгол, Орхон  хангалтгүй, Ерөө дунд  гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  нийт сумдын нутгаар малд нэмэгдэл тэжээл өгөх,  бог, бод мал төллөх, малд тарилга хийх, туулга өгөх, мал ногоолуулах  ажил явагдаж  байна.