2022 оны 6-р сарын 2-р арав хоногийн ХААЦУ-ийн тойм.

Агаарын температур: Арав хоногийн агаарын дундаж температур   18.7…20.9 градус дулаан,  хамгийн их температур  28.6-31.8 градус дулаан,   хамгийн бага температур  4.3-8.6 градус дулаан.  Хөрсний дундаж температур  22.8-28.4 градус  дулаан,  хамгийн их температур 45.4-62.1 градус дулаан,  хамгийн бага температур  3.5- 7.4 градус дулаан байлаа.

Хур тунадастай өдрийн тоо, тунадасны хэмжээ: Орхон Ерөө, Мандал, Хүдэр, Бугант, Хушаат  сумдын нутгаар  18.8-49.4мм тунадас, бусад сумдын нутгаар 9.6-14.4мм тунадас 3-5 өдөр орсон  байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур,  Мандал, Зүүнбүрэн, Хүдэр сумдын нутгаар 13-14м/с бусад сумдын нутгаар 5-11м/с  1-8 өдөр хүрсэн  байна. 

Бэлчээрийн  ургамлын үе шат, өндөр, ургалтын байдал: 6-дугээр сарын 20-ны байдлаар  ургамлын ургалтын  байдал 80 хувьд сайн, 20 гаруй  хувьд нь дунд,  ургамлын дундаж өндөр 8-24см байна.

Хөрсний чийгшил: Буудай, төмсний талбайн 0-20см-ийн гүнд, Цагааннуур, Баянгол, Орхон, Орхонтуул, Ерөө, хангалтгүй, Зүүнхараа дунд,   0-50см-ийн гүнд Орхон, Ерөө, Орхонтуул хангалтгүй, Цагааннуур  дунд,  Баянгол Мандал хангалттай, 0-100см-ийн гүнд Цагааннуур, Баянгол, Орхонтуул, Мандал хангалттай, Орхон хангалтгүй, Ерөө дунд гэсэн үнэлгээтэй байна.

Бэлчээрийн талбайн 0-20см, Баянгол, Орхон, Ерөө хангалтгүй, 0-50см- ийн гүнд Баянгол, Орхон, Ерөө хангалтгүй,   0-100см-ийн гүнд Баянгол, Орхон  хангалтгүй, Ерөө дунд  гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Зүүнбүрэн, Хушаат сумдад богинодалавчит тоонолжилт, барабенийн таршаа, азийн судалт царцаа ажиглагдсан бөгөөд 1м²–т хүрээнд дундажаар 2-4 ширхэг тоологдсон байна. Бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  нийт сумдын нутгаар  бод мал төллөх, хонины ноос хяргах, мал оторлох, мал хөнгөлөх, малд тарилга хийх, туулга өгөх, ямаа самнах, оготно устгах  ажил явагдаж  байна.