2023 оны 01-р сарын 3-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 20.6  - 27.5 градус,  агаарын  хамгийн  их  температур 0.0 градус дулаанаас -8.4 градус хүйтэн,  хамгийн бага  температур 38.4 - 46.8 градус хүйтэн. Хөрсний  дундаж температур 22.1 - 29.3 градус,  хамгийн  их  температур  1.1градус дулаанаас  -5.4 градус хүйтэн,  хамгийн  бага  температур  42.0 - 49.4 градус  хүйтэн байлаа.

Хур тунадастай өдрийн тоо, тунадасны хэмжээ: Сүхбаатар, Ерөө, Хушаат сумдын нутгаар  1.5-2.5мм, бусад сумдын нутгаар 0.0-0.9мм  цас орсон.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхонтуул,  Мандал,  Хушаат  сумдын нутгаар 10-14м/с, бусад сумдын нутгаар 3-8м/с салхитай байлаа. 

Цасан бүрхүүлийн бүрхэц, зузаан см, нягт: Түшиг, Хүдэр, Бугант, Хушаат, Сүхбаатар, Зүүнбүрэн сумдын  нутгаар 10-16см, цасны дундаж нягт 0.12-0.22гр/см³, бусад сумдын  нутгаар 6-9см, цасны дундаж нягт 0.09-0.20гр/см³  байна.  

Засгийн газрын 286 дугаар тогтоолын дагуу зудын байдалд үнэлгээ хийхэд, Хүдэр, Хушаат, Ерөө, Сүхбаатар сумдын нутгаар зузаан цастайн улмаас цагаанаар  зудархуу байна. 

Хөдөө аж ахуйн үйлдвэрлэлд: МАА-н үйлдвэрлэлд  нийт сумдын нутгаар малд нэмэгдэл тэжээл өгөх ажил үргэлжилж  байна.