2024 оны хаврын хөрс гэсэх, хөрсний угтвар чийгийн урьдчилсан мэдээ

2024 оны хавар хөрс 20 см гүндээ ихэнх сумдын  нутгаар 4 дүгээр сарын cүүлчээр хөрс гэсэх төлөвтэй  байна.

2024 оны 4 дүгээр сарын сүүлийн арав хоногт уринш гуурстай  талбайн 0-20, 0-50, 0-100 см гүний хөрс гэсэх үеийн ашигтай чийгийн нөөцийг 2023 оны намрын хөрс хөлдөхөөс өмнө тодорхойлсон намрын нөөц чийгэн дээр тооцоолон гаргахад 0-20см-ийн гүнд Баруунбүрэн, Хушаат, Сайхан хангалтгүй, Мандал,  Орхон, Алтанбулаг сумдын нутгаар дунд, бусад сумдын нутгаар хангалттай, 0-50см ийн гүнд Баруунбүрэн хангалтгүй, Мандал, Хушаат, Алтанбулаг, Сайхан сумдын нутгаар дунд, бусад сумдын нутгаар хангалттай, 0-100см-ийн гүнд Баруунбүрэн хангалтгүй, Орхон, Мандал, Хушаат, Алтанбулаг, Сайхан  сумдын нутгаар дунд, бусад сумдын нутгаар хангалттай байна.

Гуурстай талбайд 0-20см ийн гүнд  Баруунбүрэн, Орхон, Сайхан сумдын нутгаар  хангалтгүй,  Алтанбулаг, Хушаат сумдын нутгаар дунд, бусад сумдын нутгаар хангалттай,  0-50, 0-100см-ийн гүнүүдэд Баруунбүрэн хангалтгүй, Орхон, Хушаат, Сайхан, Алтанбулаг сумдын нутгаар дунд, бусад сумдын нутгаар хөрсний чийг хангалттай байхаар байна.