Гадаргын усны түвшний 10-р сарын 03-р 10 хоногийн тойм

Манай орны хамгийн том мөрөн  Сэлэнгэ мөрний усны түвшин Зүүнбүрэн сум орчмоор усны түвшин 239 см ОЖД-аас 10 см-ээр бага, Сүхбаатар сум орчим усны түвшин 342 см ОЖД-аас 56 см-ээр их.

Сэлэнгэ мөрний хамгийн том цутгал болох Орхон гол Орхон сум орчим усны түвшин 194 см ОЖД-аас 40 см-ээр их. Сүхбаатар сумаар усны түвшин  227 см ОЖД-аас  48 см-ээр их.

Хонгын гол Шарлан голын бэлчирээс Ерөө хэмээн нэрлэгдэнэ. Ерөө гол Ерөө сум орчмоор усны түвшин 279 см ОЖД-аас 5 см-ээр бага, Дулаанхан тосгон орчмоор усны түвшин 225 см ОЖД-аас 29 см-ээр бага..

Хэнтийн салбар уулсаас эх авах Мандал гол, Баян, Сөгнөгөр голтой нийлж, Хараа гол хэмээн нэрлэгдэнэ. Хараа гол Баянгол сум орчмоор усны түвшин 148 см ОЖД-аас 14 см-ээр бага.

Бага Хэнтий нурууны Хүдэртийн Хэцийн зүүн хойт салбар уулс, Хаданцаа уулын баруун хажуугаас усжих горхиудын бэлчирээс эхлэн Хүдэр хэмээн нэрлэгдэнэ. Хүдэр гол Хүдэр сум орчмоор усны түвшин 210 см ОЖД-аас 10 см-ээр бага.

Бүрхэт нурууны салбар Онгонсарьдагийн баруун хойт хажуугаас эх авах Азаргын гол ба Балинтай нурууны зүүн өмнөд хажуу, Хантай нурууны араас усжих Могойт голын бэлчрээс Зэлтэр хэмээн нэрлэгдэнэ. Зэлтэр гол Зэлтэр сум орчмоор усны түвшин 241 см ОЖД-аас 12 см- ээр бага.