2024 ОНЫ 06 ДУГААР САРЫН СЭЛЭНГЭ АЙМГИЙН УУР АМЬСГАЛЫН ТОЙМ

 2024 ОНЫ 06 ДУГААР САРЫН СЭЛЭНГЭ АЙМГИЙН УУР АМЬСГАЛЫН ТОЙМ

Агаарын температур: Сэлэнгэ аймгийн нутгаар 05 дугаар сард агаарын дундаж температур 18.4 ℃градус дулаан буюу ОЖД-аас 0.5 градусаар дулаан байлаа. Цагааннуур, Ерөө, Хушаат сумдын нутгаар ОЖД-аас -0.1-0.2 градусаар сэрүүн бусад сумдын нутгаар ОЖД-аас 0.1-4.8 градус дулаан байсан.

 Агаарын хамгийн их температур: Агааарын үнэмлэхүй их температур бүх сумдын нутгаар 31.6-34.7 градус дулаан байв. Агаарын үнэмлэхүй их температур Орхонтуул суманд 06 дугаар сарын 17 нд 34.7 градус дулаан байв.

Агаарын хамгийн бага температур: Агааарын үнэмлэхүй бага температур бүх сумдын нутгаар 1.0-5.9 градус дулаан байв. Агаарын үнэмлэхүй бага температур Хүдэр, Бугант суманд 06 дугаар сарын 07  нд 1.0  градус сэрүүн байв.

Хөрсний гадаргын температур: Хөрсний гадаргын дундаж температур 24 градус дулаан байлаа. Хөрсний үнэмлэхүй их температур Цагааннуур суманд 06 дугаар сарын 17 нд 64 градус дулаан байв. Хөрсний үнэмлэхүй бага температур Ерөө, Бугант суманд 06 дугаар сарын 07 нд 0 градус сэрүүн байв.

Хур тунадас: 06 дугаар сард орсон сарын дундаж хур тунадас 77.9 мм буюу ОЖД-аас 28.3мм-ээр ахиу хур тунадас орсон байна. Ерөө, Цагааннуур, Зүүнбүрэн, Зэлтэр, Хүдэр, Хушаат ОЖД-аас 0.9-6.7 мм-ээр бага хур тунадас орсон бол Баянгол сумын нутгаар ОЖД-аас 8.2 мм-ээр бага хур тунадас орсон бол бусад сумдын нутгаар 6-69.7 мм-ээр ахиу хур тунадас орсон байна. Сарын нийлбэрээр хамгийн их нь Зэлтэр суманд 124.6 мм, хамгийн бага Баянгол суманд 40.5 мм хур тунадас орсон байна. 

Цаг агаарын үзэгдэл: Энэ сард нийт нутгаар бороо, аадар бороотой өдрийн 4-16 өдөр, дуу цахилгаан 0-16 өдөр, шүүдэр 6-14 өдөр , гялбаа 1 өдөр, мөндөр 2 тус тус ажиглагдсан байна.

 Салхи: Салхины дундаж хурд нийт сумдын нутгаар 1.3-3.4 м/сек байсан. Хамгийн их хурд нь Орхонтуул суманд 06 дугаар сарын 04-ны өдөр 22 м/с хүрсэн байна.

ТОЙМ БИЧСЭН:УУР АМЬСГАЛЫН ТЕХНОЛОГИЧ ИНЖЕНЕР Д.ШҮРЭН-ЭРДЭНЭ