Сэлэнгэ аймгийн 2020 оны 2 дүгээр сарын тойм

Сэлэнгэ аймгийн 2020 оны 2 дугаар сарын тойм

Сэлэнгэ аймгийн 2 дугаар сард агаарын дундаж температур ихэнх нутгаар Ерөө, Орхон, Орхонтуул, Мандал, Баруунхараа, Хушаат, Хүдэр, Бугант -16.6˚С-аас -18.9˚С хүйтэн бусад нутгаар -13.2˚С-15.6˚С хүйтэн байлаа. Агаарын үнэмлэхүй баг температур ихэнх нутгаар -34.0˚С-аас -38.4˚С хүрч хүйтэрсэн ба үнэмлэхүй хамгийн хүйтэн Орхонтуулд -40.2˚С хүрсэн. 

Өвлийн улиралд Монгол орны нутаг дэвсгэр дээр бага хур тунадас унадаг. 2 дугаар сард Сэлэнгэ аймгийн хэмжээнд бага тунадас орсон бөгөөд Бугант, Орхонтуул, Хүдэр, Бугант, Баруунхараа, Зүүнхараа орчмоор 1.0мм-3.5мм тунадас,бусад нутгаар 0.0мм-0.7мм тунадас орсон байна.

Хур тунадас энэ сард ихэнх нутгаар хэвийн байсантай холбоотой чийг нутгийн төв буюу баруун хэсгээр 61-75%, нутгийн зүүн  хэсгээр 47-53% чийгтэй байсан байна.

Энэ сарын агаарын дундаж температур -16.4°С байсан бол олон жилийн дунджаар нь авч үзвэл нутгийн төв буюу нутгийн ихэнх хэсгээр олон жилийн дунджаас 2.7°С-аас 6.2°С-аар дулаан нутгийн баруун өмнө буюу зүүн өмнө орчмоор 0.9°С-аас 1.5°С-аас дулаан байлаа.

 Хур тунадасны хувьд тус сард Сэлэнгэ аймгийн хэмжээнд дунджаар 1.4мм тунадас орсон. Газарзүйн тархалтаар авч үзвэл ихэнх нутгаар ОЖД-ийн орчим буюу 20-80% -д нь бага тунадас орсон байна. (Зураг 2)

Тус сард агаарын температурын үнэмлэхүй их утга Орхонтуул, Бугант 4.2°С - 6.2°С  хүрч халсан бол хөрсний температурын үнэмлэхүй их утга Бугант, Сүхбаатар, Орхон 14°С, - 19°С  хүрч ажиглагдсан бол  үнэмлэхүй бага утга агаартаа Орхонтуул, Ерөөд -40.2° С хүрч хүйтэрсэн. Харин даралтын үнэмлэхүй их утга  Сүхбаатарт 967.4 гПА, бага утга Зүүнхараад 900.2 гПа хүрч тус тус ажиглагдсан. Салхины хурд хамгийн их нь Орхонтуул, Цагааннуурт 18-19м/с хүрчээ.