Цаг уурын мэдээ > Цаг агаарт зориудаар нөлөөлөх үйл ажиллагаа

Цаг агаарт зориудаар нөлөөлөх үйл ажиллагаа

Шинэчлэгдсэн: 2021-02-26 06:03:36

2020 онд цаг агаарт зориудаар нөлөөлөх үйл ажиллагааг Сэлэнгэ Бороо-1,2,3,4 экспедицүүд, 2020 оны 04 дүгээр сарын 14-ний өдрөөс эхлэн 8 дугаар сарын 1-ний хооронд синоптикийн нөхцөл бүрдсэн 21 тохиолдолд нийт 76 удаагийн хээрийн ажиллагаа явуулж 151 ширхэг борооны пуужин зарцуулсан.

Цаг агаарт зориудаар нөлөөлөх үйл ажиллагаа явуулсан 21 өдрийн аэросиноптик нөхцлийг авч үзэхэд газар орчмын даралтын орны шинж, хамгийн их давтагдал нь циклоны ард 42,8 %, хамгийн бага давтагдал нь циклон, бага даралтын орны өмнө 4,8 %, хотос болон бага даралтын оронд 23,8-28,6%-д тус тус үйл ажиллагаа явуулсан байна. Газар орчмын фронтын шинж  нь нийт тохиолдлын 33,3%-д долгионтой хүйтэн фронтод, 23,8%-д 2-р зэргийн хүйтэн фронтод, 28,6%-д долгионтой дулаан фронтод , 14,3%-д хүйтэн фронтод тус тус харвалт хийгдсэн байна.

4 -7 дугаар сард орсон тунадасныг олон жилийн дундажтай харьцуулж үзэхэд 4, 6 дугаар сард 5,6-20,0мм-ээр бага, 5, 7 дугаар сард 3,3-9,8мм-ээр ахиу тунадас орсон байна. Харин тунадастай өдрийн тоо 4 дүгээр сард 3 өдрөөр цөөн 5-7 дугаар саруудад 1-5 өдрөөр олон байлаа.

Үйл ажиллагааг аль болох үр дүнтэй болгох  үүднээс радарын станцын бүрэн бүтэн байдал  хэвийн ажиллагааг ханган үүлний шилжилт, услаг, зузаан зэргэ үзүүлэлтүүдээр  экспедицүүдийг мэдээллээр хангаж 5-8 дугаар сарын хугацаанд нийт 10 удаагийн үйл ажиллагаанд оролцож, 95 цаг ажиллан 1720 ш үүлний зургийг архивлаж хадгаллаа.