Цаг уурын мэдээ > Хөдөө аж ахуйн цаг уурын тойм
2024 оны 06-р сарын 1-дүгээр арав хоногийн ХААЦУ-ын тойм
![](/images/blank.gif)
![](/images/blank.gif)
Агаарын температур: Нийт сумдын нутгаар арав хоногийн агаарын дундаж температур 16.5-19.6 градус, агаарын хамгийн их температур 28.1-32.6 градус, хамгийн бага температур 1.0-7.2градус дулаан. Хөрсний дундаж температур 21.4-27.4 градус, хамгийн их температур 46.6-61.0 градус дулаан, хамгийн бага температур 1.1-4.4градус дулаанаас 0.3-0.5градус хүйтэн байлаа.
Хур тунадастай өдрийн тоо, тунадасны хэмжээ: Орхон, Ерөө, Орхонтуул, Цагааннуур, Зүүнбүрэн, Баруунбүрэн, Түшиг, Хушаат сумдын нутгаар 13.0-23.7мм 4-7 өдөр, бусад сумдын нутгаар 2.9-8.6мм тунадас 1-5 өдөр орсон байна.
Салхитай өдрийн тоо, хамгийн их хурд: Сүхбаатар, Баянгол, Орхон, Орхонтуул, Цагааннуур, Мандал сумдын нутгаар 17-22м/с, 5-7 өдөр бусад сумдын нутгаар 5-14м/с 1-6 өдөр салхитай байлаа.
Бэлчээрийн болон таримал ургамлын үе шат, өндөр, ургалтын балл 6-дугаар сарын 10-ны байдлаар ургамлын ургалтын байдал 80 гаруй хувьд сайн, 10 орчим хувьд дунд, ургамлын дундаж өндөр Орхон, Ерөө, Орхонтуул, Зүүнбүрэн, Түшиг сумдын нутгаар 14-20см бусад сумдын нутгаар 6-11см байна.
Улаанбуудайн ургалтын байдал ихэнх сумдын нутгаар сайн, Орхон цухуйлт, Баянгол, Ерөө, Орхонтуул, Цагааннуур сумдын нутгаар 3дахь навчлалтын үе шат ажиглагдсан. Ургамлын дундаж өндөр 10-18см.
Хөрсний чийгшил: Буудай, төмсний талбайн 0-20 см-ийн гүнд Цагааннуур хангалттай Орхон, Орхонтуул, Баянгол, Ерөө, Мандал сумдын нутгаар дунд, 0-50, 0-100см-ийн гүнүүдэд Орхонтуул, Цагааннуур, Ерөө сумдын нутгаар хангалттай, Баянгол, Орхон, Мандал дунд.
Бэлчээрийн талбайн: 0-20, 0-50см-ийн гүнүүдэд Ерөө дунд, Орхон, Баянгол сумдын нутгаар хөрсний чийг хангалтгүй байна.
Бэлчээрийн ургамлын хөнөөлт царцааны ажиглалт ажиглалт: Сүхбаатар, Түшиг, Ерөө, Зүүнбүрэн, Хушаат сумдын нутгаар бараан далавчит, богино далавчит царцаа, барабины таршаа ажиглагдсан бөгөөд 1м квд талбайд дундажаар 1-3ширхэг царцаа ажиглагдсан. Бусад сумдын нутгаар царцаа ажиглагдаагүй
Хөдөө аж ахуйн үйлдвэрлэлд: МАА-н үйлдвэрлэлд бод малын төллөлт, мал хөнгөлөх, газар тариаланд улаанбуудайн үр суулгах, төмс тарих ажилууд явагдаж байна.