Цаг уурын мэдээ > Хөдөө аж ахуйн цаг уурын тойм
2024 оны 7-р сарын 2-дугаар арав хоногийн ХААЦУ-ын тойм
![](/images/blank.gif)
![](/images/blank.gif)
Агаарын температур: Нийт сумдын нутгаар арав хоногийн агаарын дундаж температур 21.5-24.7 градус, агаарын хамгийн их температур 30.0-33.3 градус, хамгийн бага температур 8.6-14.1градус дулаан. Хөрсний дундаж температур 25.1-33.7 градус, хамгийн их температур 44.0-68.3 градус, хамгийн бага температур 7.0-13.1градус дулаан байлаа.
Хур тунадастай өдрийн тоо, тунадасны хэмжээ: Орхонтуул, Баруунбүрэн, Орхон, Түшиг, Зүүнбүрэн, Хүдэр сумдын нутгаар 11.7-60.4мм 2-6өдөр, бусад сумдын нутгаар 0.0-1.4мм, 1-4 өдөр орсон байна.
Салхитай өдрийн тоо, хамгийн их хурд: Баянгол, Сүхбаатар, Цагааннуур, Ерөө, Орхон, Мандал, Орхонтуул, Баруунбүрэн сумдын нутгаар 11-17м/с, 1-7 өдөр бусад сумдын нутгаар 4-6м/с салхитай байлаа.
Бэлчээрийн болон таримал ургамлын үе шат, өндөр, ургалтын балл 7-дугаар сарын 20-ны байдлаар ургамлын ургалтын байдал 80 хувьд сайн, 20 хувьд дунд, бэлчээрийн ургамлын дундаж өндөр 11-46см.
Улаанбуудайн ургалтын байдал ихэнх сумдын нутгаар сайн, Орхон, Ерөө Орхонтуул түрүүлэлт, Цагааннуур, Баянгол сумдын нутгаар цэцэглэлтийн үе шат ажиглагдсан. Ургамлын дундаж өндөр 50-86см, түрүүний урт 8-9см. Баянгол, Мандал сумын нутгаар төмс баг цэцгийн үүсэл ажиглагдсан, ургалтын байдал сайн, ургамлын дундаж өндөр18-27см байна.
Хөрсний чийгшил: Буудай, төмсний талбайн 0-20, 0-50, 0-100см-ийн гүнүүдэд Цагааннуур, Ерөө, Мандал, хангалттай, Баянгол дунд, Орхонтуул Орхон сумдын нутгаар хангалтгүй, Бэлчээрийн талбайн: 0-20, 0-50см-ийн гүнүүдэд Ерөө, Орхон, Баянгол сумдын нутгаар хөрсний чийг хангалтгүй байна.
Бэлчээрийн ургамлын хөнөөлт царцааны ажиглалт ажиглалт: Ихэнх сумдын нутгаар бараан далавчит, богино далавчит тоонолжилт царцаа, барабины таршаа, өргөн далавчит таршаа ажиглагдсан бөгөөд 1мквд талбайд дундажаар 1-4ширхэг царцаа ажиглагдсан. Цагааннуур, Орхон сумдын нутгаар царцаа ажиглагдаагүй
Хөдөө аж ахуйн үйлдвэрлэлд: МАА-н үйлдвэрлэлд хонины ноос хяргах, сааль сүү бэлтгэх, газар тариаланд улаанбуудайн хор цацах, уринш боловсруулах, төмс манах ажил явагдаж байна