Цаг уурын мэдээ > Хөдөө аж ахуйн цаг уурын тойм
2024 оны 06-р сарын 2-дугаар арав хоногийн ХААЦУ-ын тойм
![](/images/blank.gif)
![](/images/blank.gif)
Агаарын температур: Нийт сумдын нутгаар арав хоногийн агаарын дундаж температур 18.0-21.0 градус, агаарын хамгийн их температур 31.2-34.7 градус, хамгийн бага температур 5.0-9.0градус дулаан. Хөрсний дундаж температур 23.6-28.4 градус, хамгийн их температур 45.9-63.9 градус, хамгийн бага температур 4.0-7.2градус дулаан байлаа.
Хур тунадастай өдрийн тоо, тунадасны хэмжээ: Баянгол, Мандал, Хүдэр сумдын нутгаар 1.4-8.8мм 1-5 өдөр, бусад сумдын нутгаар 13.2-40.6мм тунадас 4-6 өдөр орсон байна.
Салхитай өдрийн тоо, хамгийн их хурд: Сүхбаатар, Баянгол, Орхон, Ерөө, Орхонтуул, Цагааннуур, Мандал, Баруунбүрэн, Зүүнбүрэн, Хушаат сумдын нутгаар 11-18м/с, 1-6 өдөр бусад сумдын нутгаар 5-8м/с салхитай байлаа.
Бэлчээрийн болон таримал ургамлын үе шат, өндөр, ургалтын балл 6-дугаар сарын 20-ны байдлаар ургамлын ургалтын байдал 80 гаруй хувьд сайн, 10 орчим хувьд дунд, ургамлын дундаж өндөр Орхон, Ерөө, Орхонтуул, Зүүнбүрэн, Түшиг сумдын нутгаар 16-23см бусад сумдын нутгаар 9-12см байна.
Улаанбуудай, төмсний ургалтын байдал ихэнх сумдын нутгаар сайн, Орхон, Орхонтуул 3дахь навчлалт, Цагааннуур, Баянгол, Ерөө сумдын нутгаар бутлалтын үе шат ажиглагдсан. Ургамлын дундаж өндөр 14-26см. Баянгол, Мандал сумын нутгаар төмс цухуйсан, ургалтын байдал сайн.
Хөрсний чийгшил: Буудай, төмсний талбайн 0-20 см-ийн гүнд Цагааннуур, Мандал хангалттай, Баянгол, Ерөө сумдын нутгаар дунд, Орхон, Орхонтуул хангалтгүй, 0-50, 0-100см-ийн гүнүүдэд Цагааннуур, Мандал хангалттай, Орхонтуул, Ерөө, Баянгол сумдын нутгаар дунд, Орхон хангалтгүй байлаа.
Бэлчээрийн талбайн: 0-20, 0-50см-ийн гүнүүдэд Ерөө дунд, Орхон, Баянгол сумдын нутгаар хөрсний чийг хангалтгүй байна.
Бэлчээрийн ургамлын хөнөөлт царцааны ажиглалт ажиглалт: Сүхбаатар, Баянгол, Мандал, Ерөө, Зүүнбүрэн, Түшиг, Хушаат сумдын нутгаар бараан далавчит, богино далавчит царцаа, барабины таршаа ажиглагдсан бөгөөд 1мквд талбайд дундажаар 1-4ширхэг царцаа ажиглагдсан. Бусад сумдын нутгаар царцаа ажиглагдаагүй
Хөдөө аж ахуйн үйлдвэрлэлд: МАА-н үйлдвэрлэлд хонины ноос хяргах, мал хөнгөлөх, газар тариаланд улаанбуудайн хор цацах, уринш боловсруулах ажил явагдаж байна