2017 оны 8 дугаар сарын 2-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  18.4–20.3 градус, агаарын хамгийн их температур 29.4–32,5 градус, хамгийн бага температур 10,0-13.8 градус дулаан.  Хөрсний дундаж температур  20.8–24.9 градус, хамгийн их температур 47.0–67,7 градус дулаан, хамгийн бага температур 8.4-12.8 градус  дулаан  байлаа .

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар 4-9 удаа  тунадас орж Сүхбаатар, Баянгол, Мандал, Ерөө, Түшиг, Бугант, Цагааннуур, Орхонтуул, Хүдэр  сумдын нутгаар  52.0-94.5мм, бусад сумдын нутгаар  38.1– 46.5 мм  орсон 

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Мандал, Ерөө, Орхон, Цагааннуур, Орхонтуул, Хүдэр  сумдын нутгаар  12-23м/с, бусад сумдын нутгаар 6-9м/с, салхитай өдрийн тоо ихэнх сумдын нутгагт 1-7 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Нутгийн 50 гаруй хувьд нь сайн, 30 гаруй хувьд дунд, 10 орчим хувьд нь зуншлага муу байна. Бэлчээрийн ургамлын өндөр 1-58см байна. Улаанбуудайн ургалт ихэнх сумдын нутгаар сайн, ургамлын өндөр 40-84см. Цагааннуур Орхон сумд сүүн бололт,  Ерөө, Зүүнбүрэн, Баянгол сумд аарцан бололт, Орхонтуул суманд улаанбуудай  бүрэн бололтын үе шатанд орсон.

Гангын үнэлгээ: Нутгийн 56 хувьд зуншлага хэвийн, 34  хувьд  нь гандуу, 10  хувьд гантай байна. 

Хөрсний чийгшил:  Улаанбуудайн  талбайн 0-20см-т  Цагааннуур, Ерөө сумдын нутгаар хангалттай, Орхон, Баянгол, Орхонтуул сумдын нутгаар дунд, 0-50см-т Цагааннуур, Орхон, Ерөө сумдын нутгаар хангалттай, Орхонтуул сумдын нутгаар дунд, бусад сумдын нутгаар хангалтгүй, 0-100см–т Цагааннуур, Ерөө, Орхон сумдын нутгаар хангалттай, Орхонтуул сумын нутгаар дунд, бусад сумдын нутгаар хангалтгүй. Бэлчээрийн талбайд 0-20см, 0-50см-т Баянгол, Ерөө, Орхон сумдын нутгаар дунд, 0-100см-т Ерөө сумын  дунд, Орхон  хангалтгүй гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 2-р арав хоногт ихэнх сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 1-5 тоологдсон.Таримал ургамалд Зүүнбүрэнд бараан далавчит, гессений ялаа дундажаар 6 ажиглагдсан байна. Бусад сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  малд нэмэлт тэжээл өгөх,мал оторлох, хадлан тэжээл бэлтгэх ажлууд явагдаж байна.  Газар тариаланд төмс, хүнсний ногоо хураах,  уринш бэлтгэх   ажилууд явагдаж  байна.