2021 оны 9-р сарын 2-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын   дундаж температур  12.1-14.0 градус,  агаарын  хамгийн  их  температур 23.8-25.5 градус,   хамгийн бага  температур 1.0-4.4 градус дулаан. Хөрсний  дундаж  температур  14.7-18.5 градус, хамгийн  их  температур 37.5-49.2градус,  хамгийн  бага  температур  -1.1 градус хүйтэнээс 4.1 градус  дулаан байлаа.

Хур тунадастай өдрийн тоо, тунадасны хэмжээ: Баянгол, Орхон, Ерөө, Зэлтэр, Бугант, Хушаат  сумдын нутгаар  10.0-18.6мм бусад сумдын нутгаар 1.7-9.2мм тунадас 2-4 өдөр орсон.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон,  Ерөө, Орхонтуул, Цагааннуур,  Мандал, Баруунбүрэн, Хушаат сумдын нутгаар 10-15м/с, бусад сумдын нутгаар 3-8м/с хүрсэн байна.    

Бэлчээрийн болон таримал ургамлын  ургамлын үе шат, өндөр, ургалтын байдал: 9-дугаар сарын 20-ны байдлаар ургамлын ургалтын байдал  80 гаруй хувьд нь сайн, 10 орчим хувьд   дунд, ургамлын дундаж өндөр 17-59см байлаа.

Улаанбуудайн ургалтын байдал: Ихэнх  сумдын  нутгаар сайн, Баянгол сүүн бололт, Орхонтуул, Цагааннуур сумдын нутгаар аарцан бололтын   үе шатанд орсон,  ургамлын дундаж өндөр 35-92см, Төмсний ургалт сайн, дундаж өндөр 14-22см байна.

Хөрсний чийгшил: Буудай, төмсний талбайн 0-20см-ийн гүнд, Цагааннуур, Орхон, Ерөө хангалтгүй, Баянгол, Орхонтуул, Мандал дунд,  0-50см-ийн гүнд, Цагааннуур дунд, Баянгол, Орхон, Ерөө, Орхонтуул, Мандал хангалттай, 0-100см-ийн гүнд бүх сумдын нутгаар хангалттай.  

Бэлчээрийн талбайн: 0-20, 0-50см-ийн гүндүүдэд Баянгол, Орхон, Ерөө хангалтгүй, 0-100сийн гүнд  Орхон, Баянгол хангалттай,  Ерөө дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Орхонтуул, Мандал,  Зүүнбүрэн, Түшиг, Хүдэр, Хушаат сумдын нутгаар бараан далавчит, тоонолжилт, азийн судалт, барбины таршаа ажиглагдсан бөгөөд 1м²–т хүрээнд дундажаар 1-4 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд хадлан тэжээл бэлтгэх, хужир шүү бэлтгэх, сааль сүү бэлтгэх,  газар тариалангийн үйлдвэрлэлд уринш боловсруулах,  төмс хураах  ажилууд явагдаж байна.