2023 оны 7-р сарын 1-дүгээр арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын  дундаж температур 16.9-18.8 градус,  агаарын  хамгийн  их  температур 27.0-29.4 градус,  хамгийн бага  температур 10.2- 11.0 градус дулаан. Хөрсний  дундаж температур  22.5-27.6 градус,  хамгийн  их  температур  36.3-57.8 градус,  хамгийн  бага  температур 7.8-12.2 градус  дулаан байлаа.

Хур тунадастай өдрийн тоо, тунадасны хэмжээ:  Баянгол 138.2мм, Бугант 103.2мм, Хүдэр 98.3мм, Ерөө 78.2мм, Хушаат 70.3мм, Мандал 66.0мм, Орхон 65.5мм,  7-8 өдөр,  бусад сумдын нутгаар 20.8-54.2мм,  6-8 өдөр бороо орсон  байна.

Салхитай өдрийн тоо,  хамгийн их хурд: Сүхбаатар, Баянгол,  Ерөө, Орхон, Орхонтуул, Цагааннуур, Мандал, Баруунбүрэн  сумдын нутгаар 10-17м/с, 2-7 өдөр  бусад сумдын нутгаар 3-9м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл  7-дугаар сарын 10-ны байдлаар ургамлын  ургалт 90  хувьд нь  сайн, 10 хувьд  дунд,  ургамлын дундаж өндөр  10-25см байна

Улаанбуудайн ургалтын байдал ихэнх сумдын нутгаар сайн, Ерөө түрүүлэлт, Орхон, Орхонтуул ишний доод зангилаа хөрсний гадарга дээр ил гарах, Цагааннуур, Баянгол сумдын нутгаар   голлолтын үе шат, төмс хажуу нахианы үүслийн  үе шат ажиглагдсан, ургамлын дундаж өндөр  32-64см байна.

Хөрсний чийгшил: Буудай, төмсний талбайн 0-20см, 0-50, 0-100см-ийн гүнүүдэд Цагааннуур, Баянгол, Мандал, Орхонтуул, Орхон сумдын нутгаар хангалттай, Ерөө  дунд, 

Бэлчээрийн талбайн: 0-20, 0-50, 0-100см-ийн гүнд  Баянгол, Орхон, Ерөө  сумдын нутгаар   хөрсний чийг дунд.

Бэлчээрийн ургамлын хөнөөлт царцааны ажиглалт ажиглалт: Сүхбаатар, Ерөө,  Бугант, Зүүнбүрэн,  Түшиг, Хушаат сумдын нутгаар тоонолжилт, азийн судалт царцаахай, барабины таршаа ажиглагдсан бөгөөд 1м квд талбайд дундажаар 1-6ширхэг царцаа  ажиглагдсан

Хөдөө аж ахуйн үйлдвэрлэлд: МАА-н үйлдвэрлэлд. мал оторлох,  хонины ноос хяргах ажил үргэлжилж байна.  Газар тариаланд хор цацах, уринш боловсруулах ажилууд явагдаж байна.