2020 оны 10-р сарын 2-р арав хоногийн ХААЦУ-ийн тойм.

Агаарын температур: Нийт сумдын нутгаар арав хоногийн агаарын дундаж температур -0.5 градус хүйтэнээс 1.9 градус дулаан,  агаарын хамгийн их температур 13.1-15.4 градус дулаан,  хамгийн бага температур -9.7-14.4 градус хүйтэн.  Хөрсний дундаж температур  0.6-3.2 градус дулаан, хамгийн их температур 21.7-28.0 градус дулаан,  хамгийн бага  температур -10.3-16.1 градус хүйтэн байлаа.

Хур тунадастай өдрийн тоо, тунадасны хэмжээ: Сүхбаатар, Баянгол, Орхон,  Мандал, Зүүнбүрэн,  Хүдэр, Бугант  сумдын нутгаар 0.0-0.6 мм  тунадас  1-3 өдөр орсон ба  бусад сумдын нутгаар хур тунадас ороогүй байна.

Салхитай өдрийн тоо,  хамгийн их хурд:  Салхины хамгийн их хурд Баянгол, Сүхбаатар, Орхон, Ерөө, Мандал  сумдын нутгаар 14-19м/с, бусад сумдын нутгаар 5-12м/с, 1-5 өдөр хүрсэн байна.  

Хөрсний чийгшил: Буудай, төмсний талбайн 0-20см-ийн гүнд  Ерөө, Мандал  хангалттай, Цагааннуур,  Орхон, Орхонтуул дунд, Баянгол,  хангалтгүй  0-50см-ийн гүнд Цагааннуур,   Орхон, Ерөө, Баянгол, Мандал  хангалттай, Орхонтуул  дунд, 0-100см-ийн гүнд Цагааннуур, Баянгол,  Орхон, дунд, Ерөө,  Орхонтуул хангалтгүй гэсэн үнэлгээтэй байна.

Бэлчээрийн талбайн:  0-20,0-50см-ийн гүндүүдэд  Ерөө  хангалттай, Баянгол,  Орхон хангалтгүй, 0-100см-ийн гүнд Баянгол, Орхон, Ерөө  хангалтгүй гэсэн үнэлгээтэй байна.

Хөдөө аж ахуйн үйлдвэрлэлд:  МАА-н үйлдвэрлэлд  мал  оторлох, хадлан тэжээл бэлтгэх, малд тарилга хийх туулга өгөх,  мал хээлтүүлэх, газар тариаланд буудай ангилан болон шууд хураалт,  төмс хураах  ажилууд явагдаж байна.