2020 оны 6-дугаар сарын 2-р арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  19.1-21.8 градус,  агаарын  хамгийн  их  температур 32.0-35.6 градус,  хамгийн  бага  температур   3.2-8.0 градус дулаан. Хөрсний  дундаж  температур  23.0-30.2 градус,  хамгийн  их  температур 53.1-67.3 градус,  хамгийн  бага  температур 2.0-6.2 градус  дулаан байлаа.

Хур тунадастай өдрийн тоо, тунадасны хэмжээ: Ерөө, Орхонтуул, Түшиг, Хушаат, Бугант сумдын нутгаар 11.6-33.6мм бусад сумдын нутгаар 0.2-8.6мм тунадас орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Зүүнбүрэн, Хушаат сумдын нутгаар 14-17м/с, бусад сумдын нутгаар 6-12м/с хүрсэн байна.    

Бэлчээрийн  ургамлын үе шат, өндөр, ургалтын байдал: 6 дугаар сарын 20-ны байдлаар  ургамлын ургалтын  байдал 70 гаруй  хувьд нь сайн, 30 орчим  хувьд  дунд, ургамлын дундаж өндөр 4-28см байна.

Улаанбуудайн ургалтын байдал Орхонтуулд дунд, бусад сумдын  нутгаар сайн, Цагааннуур, Орхон,  Ерөө сумдын нутгаар бутлалт, бусад сумдын нутгаар 3 дахь навчлалтын үе явагдаж байна.   Ургамлын өндөр 16-25см өндөртэй байна.

Хөрсний чийгшил: Буудай, төмсний талбайн 0-20см-ийн гүнд Баянгол, Цагааннуур, Орхон, Орхонтуул сумдын нутгаар  хангалтгүй, Мандал дунд, Ерөө хангалттай, 0-50, 0-100см-ийн гүнүүдэд Цагааннуур,  Баянгол, Орхонтуул сумд хангалтгүй, Орхон дунд,  Ерөө, Мандал сумдын нутгаар  хангалттай гэсэн үнэлгээтэй байна. Бэлчээрийн талбайн 0-20см-ийн гүнд  Орхон, Баянгол, Ерөө сумдын нутгаар чийг хангалтгүй,  0-50, 0-100см- ийн гүнүүдэд  Орхон,  Баянгол,  хангалтгүй, Ерөө хангалттай.

Бэлчээрийн ургамлын хөнөөлт царцаа, мэрэгчдын ажиглалт: Хушаат, Мандал сумдын нутгаар мэрэгчийн голомт ажиглагдсан. Сүхбаатар, Зүүнбүрэн, Ерөө, Мандал, Түшиг сумдад бараан далавчит, тоонолжилт, барбины таршаа ажиглагдсан бөгөөд 1м²–т хүрээнд дундажаар 1-6 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд хонь хяргах, мал оторлох,  газар тариалангийн үйлдвэрлэлд , төмс хүнсний ногоо услах, хор, бордоо цацах, уринш боловсруулах ажилууд явагдаж байна.

.