2021 оны 7-р сарын 3-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  16.1-18.2 градус,  агаарын  хамгийн  их  температур 27.3-31.4 градус,  хамгийн  бага  температур 6.0-10.1 градус дулаан. Хөрсний  дундаж  температур  19.2-25.1 градус, хамгийн  их  температур 43.5-59.1градус,  хамгийн  бага  температур 4.4-8.6 градус  дулаан байлаа.

Хур тунадастай өдрийн тоо, тунадасны хэмжээ: Цагааннуур, Ерөө, Орхонтуул, Хүдэр, Бугант, Түшиг сумдын нутгаар  32.3-66.5мм бусад сумдын нутгаар 13.0-30.3мм тунадас 3-7 өдөр орсон.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Ерөө, Орхонтуул, Зүүнбүрэн, Хүдэр, Түшиг  сумдын нутгаар 12-22м/с, бусад сумдын нутгаар 6-11м/с хүрсэн.    

Бэлчээрийн  ургамлын үе шат, өндөр, ургалтын байдал: 7-дугаар сарын 31-ны байдлаар  ургамлын ургалтын  байдал 80 гаруй  хувьд нь сайн, 20 орчим  хувьд  дунд, ургамлын дундаж өндөр 13-49см, бэлчээрийн ургац Сүхбаатар, Ерөө, Орхонтуул, Мандал,  Түшиг  сумдын нутгаар 9.0-12.4ц/га, бусад сумдын нутгаар 3.8-6.0ц/га   байна

Улаанбуудайн ургалтын байдал нийт  сумдын  нутгаар сайн, Баянгол, Цагааннуур, Орхонтуул сумдын нутгаар цэцэглэлт, Орхон, Ерөө сумдын нутгаар Сүүнбололт, төмс цэцэглэлтийн үе шатанд  орсон,  ургамлын дундаж өндөр 42-97см.

Хөрсний чийгшил: Буудай, төмсний талбайн 0-20, 0-50, 0-100см-ийн гүнүүдэд Орхон дунд, Орхонтуул, Цагааннуур, Мандал, Баянгол, Ерөө сумдын нутгаар хангалттай байлаа

Бэлчээрийн талбайн  0-20 см-ийн гүнд Орхон, Баянгол, Ерөө сумдын нутгаар хангалтгүй, 0-50, 0-100см-ийн гүнүүдэд  Орхон хангалтгүй, Баянгол, Ерөө сумдын нутгаар дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Орхонтуул, Мандал, Зүүнбүрэн, Түшиг, Хушаат сумдын нутгаар бараан далавчит, тоонолжилт, азийн судалт, өргөн далавчит,  барбины таршаа ажиглагдсан бөгөөд 1м²–т хүрээнд дундажаар 2-5 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд мал ногоолуулах, мал газар тариалангийн үйлдвэрлэлд  уринш боловсруулах  ажилууд явагдаж байна.