2023 оны 7-р сарын 3-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын  дундаж температур 19.6-22.3 градус,  агаарын  хамгийн  их  температур 32.0-36.8 градус,  хамгийн бага  температур 8.1- 13.0 градус дулаан. Хөрсний  дундаж температур  24.9-31.1 градус,  хамгийн  их  температур  47.6-65.8 градус,  хамгийн  бага  температур 5.8-11.7 градус  дулаан байлаа.

Хур тунадастай өдрийн тоо, тунадасны хэмжээ:  Цагааннуур, Орхон, Ерөө, Бугант сумдын нутгаар  22.4-48.6мм, 4-6 өдөр,  бусад сумдын нутгаар 8.8-17.6мм  тунадас 1-5 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол, Орхон, Орхонтуул, Цагааннуур, Мандал, Зүүнбүрэн сумдын нутгаар 11-19м/с, 1-8 өдөр  бусад сумдын нутгаар 4-8м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл  7-дугаар сарын 31-ны байдлаар ургамлын  ургалт 90  хувьд нь  сайн, 10 хувьд  дунд, Сүхбаатар, Орхон, Ерөө, Орхонтуул, Түшиг, Бугант сумдын нутгаар 6.0-13.7ц/га, бусад сумдын нутгаар   3.0-5.1ц/га,  ургамлын дундаж өндөр  18-37см байна

Улаанбуудайн ургалтын байдал ихэнх сумдын нутгаар сайн, Орхонтуул цэцэглэлт, Ерөө Баянгол, Орхон  сумдын нутгаар  түрүүлэлт, Цагааннуур ишний доод зангилаа хөрсний гадарга дээр ил гарах  үе шатанд байгаа бол ургамлын дундаж өндөр  62-88см, төмс цэцэглэлтийн  үе шат ажиглагдсан, ургамлын дундаж өндөр  47-49см байна.

Хөрсний чийгшил: Буудай, төмсний талбайн 0-20см, 0-50, 0-100см-ийн гүнүүдэд Ерөө, Орхон сумдын нутгаар дунд, Цагааннуур, Баянгол, Мандал, Орхонтуул сумдын нутгаар хангалттай

Бэлчээрийн талбайн: 0-20, 0-50, 0-100см-ийн гүнд  Орхон сум хангалтгүй, Баянгол, Ерөө сумын нутгаар  хөрсний чийг дунд зэрэг байна.

Бэлчээрийн ургамлын хөнөөлт царцааны ажиглалт ажиглалт: Ихэнх сумдын нутгаар тоонолжилт, азийн судалт царцаахай, өргөн далавчит, барабины таршаа ажиглагдсан бөгөөд 1м квд талбайд дундажаар 1-7ширхэг царцаа  ажиглагдаж, Цагааннуур, Баянгол, Орхон сумдын нутгааар царцаа ажигладаагүй байна

Хөдөө аж ахуйн үйлдвэрлэлд: МАА-н үйлдвэрлэлд. мал оторлох,  газар тариаланд хор, бордоо  цацах, уринш боловсруулах ажилууд явагдаж байна.