2017 оны 9 дугаар сарын 3-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  4.1–6.2 градус, агаарын хамгийн их температур 16.5–22.7 градус, хамгийн бага температур -4.3 градус хүйтнээс -9.4 градус хүйтэн.  Хөрсний дундаж температур  6.1–9.3 градус, хамгийн их температур 25.4–38.8 градус дулаан, хамгийн бага температур -4.9 градус хүйтнээс -10.5  градус   хүйтэн  байлаа.

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар 2-6 удаа  тунадас орж  Баянгол, Орхонтуул, Сүхбаатар, Мандал, Орхон, Зүүнбүрэн, Хушаат сумдын нутгаар  17.8-40.8 мм, бусад сумдын нутгаар 2.6– 14.5 мм  орсон байна.  

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Мандал, Ерөө, Орхон, Цагааннуур, Орхонтуул, Зэлтэр, Хушаат  сумдын нутгаар  12-22м/с, бусад сумдын нутгаар 7-10м/с, салхитай өдрийн тоо ихэнх сумдын нутгагт 1-7 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Бэлчээрийн болон таримал ургамлын төлөөлөх ургамлууд хаталт хагдрлатын үе шатанд байна.

Хөрсний чийгшил:  Улаанбуудайн  талбайн 0-20см-т, 0-50см-т Цагааннуур, Ерөө, Орхон Баянгол, Орхонтуул сумдын нутгаар хангалттай, 0-100см–т Цагааннуур, Ерөө, Орхонтуул, Орхон сумдын нутгаар хангалттай, Баянгол сумын нутгаар дунд.  Бэлчээрийн талбайд  0-20см, 0-50см-т Баянгол, Ерөө сумдын нутгаар хангалттай, Орхон сумын нутгаар  дунд, 0-100см-т Ерөө,Орхон сумдын нутгаар дунд гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 3-р арав хоногт Ерөө, Баруунбүрэн сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 1-2  тоологдсон. Ихэнх сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  малд мал оторлох, хадлан тэжээл бэлтгэх ажлууд үргэлжилж байна.  Газар тариаланд төмс, хүнсний ногоо хураах,  улаанбуудайн ангилан болон шууд хураалтын ажилууд  явагдаж   байна.

                                                          Тойм бичсэн: О.Мягмардулам