2020 оны 7-р сарын 3-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын   дундаж   температур  20.1-22.6градус,  агаарын  хамгийн  их  температур 33.8-37.4 градус,   хамгийн  бага  температур 7.2-12.9 градус дулаан. Хөрсний  дундаж  температур  24.3-30.6 градус,   хамгийн  их  температур 50.8-65.2градус,  хамгийн  бага  температур 5.0-11.6 градус  дулаан байлаа.

Хур тунадастай өдрийн тоо, тунадасны хэмжээ: Орхон, Орхонтуул, Цагааннуур, Мандал, Баруунбүрэн, Түшиг, Хүдэр, Бугант, Хушаат сумдын нутгаар 11.2-35.2мм, бусад сумдын нутгаар 6.2-10.4мм тунадас 4-6 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал, Баруунбүрэн, Түшиг, Хушаат  сумдын нутгаар 11-26м/с, бусад сумдын нутгаар 5-10м/с хүрсэн.

Бэлчээрийн  ургамлын үе шат, өндөр, ургалтын байдал: 7-дугаар сарын 31-ны байдлаар  ургамлын ургалтын  байдал 70 гаруй  хувьд нь сайн, 30 орчим  хувьд  дунд, ургамлын дундаж өндөр 9-48см, Сүхбаатар, Мандал, Ерөө, Түшиг  сумдын нутгаар 8.4-9.2ц/га бусад сумдын нутгаар 1.0-4.8ц/га байна.

Улаанбуудайн ургалтын байдал: Нийт  сумдын  нутгаар буудайн ургалт сайн, Баянгол ишний доод зангилаа хөрсний гадарга дээр цухуйх, Цагааннуур цэцэглэлт Орхон, Ерөө, Орхонтуул сумд сүүнбололтын үе шатанд орсон,  ургамлын дундаж өндөр 38-65см.

Хөрсний чийгшил: Буудай, төмсний талбайн 0-20,0-50см-ийн гүндүүдэд Баянгол, Цагааннуур, Орхон, Орхонтуул, Мандал сумдын нутгаар чийг хангалтгүй, Ерөө дунд, 0-100см-ийн гүнд   Цагааннуур, Баянгол, Орхон  Ерөө, Орхонтуул,  Мандал сумдын нутгаар хангалттай. 

Бэлчээрийн талбайн:  0-20,0-50см-ийн гүнүүдэд Баянгол Орхон, Ерөө хангалтгүй,   0-100см-ийн гүнд  Баянгол, Орхон, Ерөө хангалтгүй  гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Мандал, Орхонтуул, Зүүнбүрэн, Түшиг, Хүдэр сумдын нутгаар бараан далавчит, тоонолжилт, барбины таршаа, сибирийн царцаа ажиглагдсан бөгөөд 1м2–т хүрээнд дундажаар 2-7 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд мал оторлох, хужир шүү бэлтгэх,  газар тариалангийн үйлдвэрлэлд ,  хүнсний ногоо хураах,  уринш боловсруулах ажилууд явагдаж байна.

                                                                              Тойм бичсэн    Р. Шинэбаяр.