2017 оны 7 дугаар сарын 3-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  20.2–23.4 градус, агаарын хамгийн их температур 32,7–36,8 градус, хамгийн бага температур 8,3-11,0 градус дулаан.  Хөрсний дундаж температур  26,4–33,7 градус, хамгийн их температур 51.5– 68,6 градус дулаан,  хамгийн бага температур  6.2-10.0 градус  дулаан  байлаа .

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар 4-9 удаа  тунадас орж Түшиг, Зүүнбүрэн, Хүдэр, Бугант  сумдын нутгаар  14,5-18,7 мм , бусад сумдын нутгаар  4,1– 10,6 мм  орсон байна

Салхитай өдрийн тоо,  хамгийн их хурд:  Салхины хамгийн их хурд Ерөө, Сүхбаатар, Орхонтуул  сумдын нутгаар  12-27м/с, бусад сумдын нутгаар 7-11м/с, салхитай өдрийн тоо ихэнх сумдын нутгагт 1-7 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Нутгийн 50 гаруй хувьд нь сайн, 30 гаруй хувьд дунд, 10 орчим нь зуншлага муу байна. Бэлчээрийн ургамлын өндөр 2-57см,  Сүхбаатар, Ерөө, Түшиг, Зүүнбүрэн, Хушаат сумдын нутгаар 3,5-7,5ц/га, бусад сумдын нутгаар 0,2-3,4ц/га байна. Улаанбуудайн ургалт ихэнх  сумдын нутгаар сайн, ургамлын өндөр 36-84см.  Цагааннуур, Баянгол, Орхон сумд  цэцэглэлт, Ерөө, Зүүнбүрэн аарцанбололт, Орхонтуул суманд улаанбуудай сүүн бололтын үе шатанд орсон.

Гангын үнэлгээ: Нутгийн 55 хувьд зуншлага хэвийн, 28 хувьд  нь гандуу, 17  хувьд гантай байна

Хөрсний чийгшил:  Улаанбуудайн  талбайн 0-20см-т  Цагааннуур сумын нутгаар хангалттай, Орхон, Ерөө сумдын нутгаар дунд, бусад сумдын нутгаар  хангалтгүй, 0-50см-т Цагааннуур сумын  хангалттай, Орхон, Ерөө сумдын нутгаар дунд, бусад сумдын нутгаар хангалтгүй,  0-100см–т Цагааннуур  хангалттай, Ерөө, Орхон сумдын нутгаар дунд,  бусад сумдын нутгаар хангалтгүй. Бэлчээрийн талбайд 0-20см, 0-50см-т Баянгол сумын нутгаар дунд, бусад сумын нутгаар хангалтгүй, 0-100см-т Орхон, Ерөө хангалтгүй гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 3-р арав хоногт ихэнх сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 1-7 тоологдсон.Таримал ургамалд Зүүнбүрэнд бараан далавчит, гессений ялаа дундажаар 3 ажиглагдсан байна. Бусад сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  хонь хяргах ажил дууссан, малд нэмэлт тэжээл өгөх,мал оторлох ажилууд явагдаж байна.  Газар тариаланд төмс, хүнсний ногоо услах,  хор цацах, уринш бэлтгэх   ажилууд явагдаж  байна.

Тойм бичсэн             О. Мягмардулам