2018 оны 6 дугаар сарын 3-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  20.2 - 24.5 градус буюу  нийт   сумдын нутгаар 2.3-4.8 градусаар олон жилийн  дунджаас  дулаан, агаарын хамгийн их температур 28.1-33.3 градус,   хамгийн бага температур  7.0-12.0 градус   дулаан.  Хөрсний дундаж температур  24.3-33.4 градус,  хамгийн их температур 59.0-70.8 градус,  хамгийн бага температур  5.6-9.9градус дулаан байлаа.

Хур тунадастай өдрийн тоо, тунадасны хэмжээ:   Энэ  арав хоногт хур тунадас  нийт сумдын  нутгаар  0.0- 24.2мм, Цагааннуур дунджийн орчим,  бусад сумдын нутгаар    ожд-аас бага  тунадас орсон байна

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Цагаанннуур, Ерөө, Баянол, Орхон Мандал, Орхонтуул, Хүдэр сумдын нутгаар  10-16м/с, бусад сумдын нутгаар 5-9м/с, салхитай өдрийн тоо зарим сумдын нутггаар  1-8 өдөр салхитай байлаа.  

Бэлчээрийн болон таримал ургамлын үе шат, өндөр, ургалтын балл  6-дугаар сарын 30-ны байдлаар ургамлын ургалтын байдал нийт нутгийн 30 гаруй  хувьд нь Түшиг, Цагааннуур, Ерөө, Хүдэр, Бугант сумдын нутгаар хэвийн, 50 хувьд дунд, 20 орчим хувьд нь муу байна. Бэлчээрийн ургамлын  өндөр 6-37 см, ургацын хэмжээ Баруунбүрэн, Орхон, Цагааннуур, Орхонтуул сумдын нутгаар 0.6-1.4ц/га, Хушаат, Хүдэр, Мандал, Бугант,  Түшиг, Зүүнбүрэн сумдын нутгаар 3.2- 3.9ц/га,  Сүхбаатар, Ерөө,  Баянгол сумд  4.6-7.3ц/га байна.

 Улаанбуудайн ургалтын байдал Орхонтуул, Орхон сумдын нутгаар дунд бусад сумдын нутгаар сайн, гол хатгалтын үе шатанд орсон, ургамлын өндөр 16-46см, төмсний ургалтыйн байдал сайн 10-14см өндөртэй байна.

Засгийн газрын 286-р тогтоолын журмын дагуу гангийн үнэлгээг хийхэд Хүдэр, Бугант, Ерөө, Цагааннуур, Түшиг сумдын нутгаар зуншлага хэвийн, Баруунбүрэн, Орхонтуул, Сант Орхон сумдын нутгаар гантай, бусад сумдын нутгаар гандуу байна.

Хөрсний чийгшил:  улаанбуудайн талбайн 0-20см гүнд Орхонтуул, Баянгол  сумд хангалтгүй,  Орхон дунд, Ерөө, Цагааннуур сумдын нутгаар   хангалттай,  0-50см гүнд Баянгол  хангалтгүй, Орхон дунд, Цагааннуур, Орхонтуул, Ерөө сумдын нутгаар  хангалттай, Бэлчээрийн талбайд 0-20см гүнд Орхон, Баянгол хангалтгүй,   Ерөө  дунд,  0-50см гүнд Орхон , Баянгол сумдын нутгаар  хангалтгүй, Ерөө хангалттай байна.

Бэлчээрийн ургамлын хөнөөлт царцааны ажиглалт: Ихэнх сумдын нутгаар бараан далавчит, тоонолжилт, барбины таршаа 1м²–т хүрээнд дунджаар 1-9 царцаа ажиглагдсан ба Мандал  суманд хэт олшролтын хэмжээнд хүрсэн .

Хөдөө аж ахуйн үйлдвэрлэлд: МАА-н үйлдвэрлэлд  мал  оторлох, хонь хяргах,  газар тариаланд ихэнх сумдын нутгаар  төмс, хүнсний ногоо услах,  уринш бэлтгэх, бордоо, хор цацах ажилууд явагдаж байна.

 Тойм бичсэн                         Г. Мөнгөнтуяа