2022 оны 8-р сарын 2-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын   дундаж температур  16.0-18.0 градус,  агаарын  хамгийн  их  температур 25.0-28.5 градус,  хамгийн бага  температур 5.0-10.0 градус дулаан. Хөрсний  дундаж  температур 20.0-23.6градус, хамгийн  их  температур 40.2-56.8градус,  хамгийн  бага  температур 3.9-7.7 градус дулаан байлаа.

Хур тунадастай өдрийн тоо, тунадасны хэмжээ: Сүхбаатар, Баянгол, Орхон, Цагааннуур,  Мандал, Баруунбүрэн, Түшиг, Хушаат сумдын нутгаар  19.8-43.2мм бусад сумдын нутгаар 6.7-17.1мм тунадас 2-8 өдөр орсон.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол,Орхон, Орхонтуул,  Мандал, Хүдэр,  сумдын нутгаар 14-18м/с, бусад сумдын нутгаар 6-13м/с хүрсэн.    

Бэлчээрийн  ургамлын үе шат, өндөр, ургалтын байдал: 8-дугаар сарын 20-ны байдлаар  ургамлын ургалтын  байдал 80 гаруй  хувьд нь сайн, 10 орчим  хувьд  дунд, ургамлын дундаж өндөр 16-54см, бэлчээрийн ургац Сүхбаатар, Цагааннуур, Ерөө, Мандал  сумдын нутгаар 12.4-13.4ц/га, бусад сумдын нутгаар 6.0-9.7ц/га   байна

Улаанбуудайн ургалтын байдал: Нийт  сумдын  нутгаар сайн,  Цагааннуур, Орхон, Мандал сумдын нутгаар 3 дахь навчлалт, Баянгол, Ерөө, Орхонтуул сумдын нутгаар бутлалт, төмс бутлалт үе шатанд  орсон,  ургамлын дундаж өндөр 9-12см.

Хөрсний чийгшил: Буудай, төмсний талбайн 0-20,Цагааннуур, Орхон, Баянгол хангалтгүй, Баянгол, Ерөө, Орхонтуул дунд, 0-50, 0-100см-ийн гүнүүдэд Цагааннуур, Баянгол, Орхон, Ерөө, Орхонтуул, Мандал сумдын нутгаар хангалттай байлаа.

Бэлчээрийн талбайн  0-20 см-ийн гүнд Орхон, Баянгол, Ерөө сумдын нутгаар хангалтгүй, 0-50, Баянгол Орхон  сумдын нутгаар хангалтгүй, Ерөө дунд, 0-100см-н гүнд  Баянгол хангалтгүй, Орхон дунд, Ерөө хангалттай гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Орхонтуул, Мандал, Баруунбүрэн, Зүүнбүрэн, Түшиг, Хүдэр, Бугант,  Хушаат сумдын нутгаар бараан далавчит, тоонолжилт, азийн судалт, өргөн далавчит,  барбины таршаа ажиглагдсан бөгөөд 1м²–т хүрээнд дундажаар 1-5 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд мал оторлох, малд тарилга туулга хийх, мал ногоолуулах, сааль сүү бэлтгэх, газар тариалангийн үйлдвэрлэлд  уринш боловсруулах, төмс хүнсний ногоо хураах  ажилууд явагдаж байна.