2021 оны 7-р сарын 1-дүгээр арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  18.7-21.2 градус,  агаарын  хамгийн  их  температур 32.1-34.4 градус,   хамгийн  бага  температур 7.2-10.5 градус дулаан. Хөрсний  дундаж  температур  23.4-27.9 градус,  хамгийн  их  температу 53.0-68.2градус,  хамгийн  бага  температур 5.9-9.3 градус  дулаан байлаа.

Хур тунадастай өдрийн тоо, тунадасны хэмжээ: Түшиг, Зүүнбүрэн, Баруунбүрэн Ерөө, Хүдэр,  Хушаат сумдын нутгаар  17.0-32.5мм бусад сумдын нутгаар 2.1-13.4мм тунадас 2-4 өдөр орсон.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, , Мандал, Хушаат  сумдын нутгаар 12-18м/с, бусад сумдын нутгаар 4-10м/с хүрсэн    

Бэлчээрийн болон таримал ургамлын  ургамлын үе шат, өндөр, ургалтын байдал: 7-дугаар сарын 10-ны байдлаар ургамлын ургалтын байдал  80 гаруй хувьд нь сайн, 10 гаруй хувьд   дунд, ургамлын дундаж өндөр 10-34см байлаа.

Улаанбуудайн ургалтын байдал ихэнх  сумдын  нутгаар сайн, Баянгол, Цагааннуур, Орхонтуул,  Орхон сумдын нутгаар бутлалт, Ерөө ишний доод зангилаа хөрсний гадарга дээр цухуйх  үе шатанд орсон,  ургамлын дундаж өндөр 30-61см, Төмсний ургалт сайн, дундаж өндөр 9-18см байна.

Хөрсний чийгшил: Буудай, төмсний талбайн 0-20см-ийн гүнд  Орхонтуул хангалтгүй, Цагааннуур дунд, Мандал, Орхон, Ерөө, Баянгол сумдын нутгаар хангалттай, 0-50, 0-100см-ийн гүнүүдэд  Орхонтуул хангалтгүй,  Цагааннуур, Мандал, Ерөө, Орхон  сумдын нутгаар хангалттай.  Бэлчээрийн талбайн  0-20,0-50см-ийн гүндүүдэд Орхон,  Баянгол сумд хангалтгүй  Ерөө хангалттай, 0-100см-ийн гүнд  Орхон, Баянгол хангалтгүй, Ерөө дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө,  Зүүнбүрэн, Хушаат сумдын нутгаар бараан далавчит, тоонолжилт, азийн судалт, барбины таршаа ажиглагдсан бөгөөд 1м²–т хүрээнд дундажаар 1-4 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд хужир шүү бэлтгэх, хонины ноос хяргах,  газар тариалангийн үйлдвэрлэлд  төмс манах, хор цацах  ажилууд явагдаж байна.