2021 оны 5-р сарын 2-р арав хоногийн ХААЦУ-ийн тойм.

Агаарын температур: Арав хоногийн агаарын дундаж температур 10.5-12.7 градус дулаан хамгийн их температур 22.1-31.8 градус дулаан, хамгийн бага температур 1.6-4.3 градус хүйтэн.  Хөрсний дундаж температур 14.4-19.2 градус,  хамгийн их температур 41.7-55.9 градус дулаан,  хамгийн бага температур  3.0-6.5 градус хүйтэн байлаа.

Хур тунадастай өдрийн тоо, тунадасны хэмжээ: Сүхбаатар, Ерөө, Цагааннуур, Зүүнбүрэн, Зэлтэр, Хүдэр, Бугант, Хушаат сумдын нутгаар 4.5-12.9мм тунадас, бусад сумдын нутгаар 0.0-1.9мм  тунадас 2-6 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал,  Баруунбүрэн, Зүүнбүрэн, Зэлтэр, Хушаат сумдын нутгаар 10-20м/с, Бугант сумын нутагт 9м/с хүрсэн байна.    

Бэлчээрийн  ургамлын үе шат, өндөр, ургалтын байдал: 5-дүгээр сарын 20-ны байдлаар  ургамлын ургалтын  байдал 20 хувьд сайн, 60 гаруй  хувьд нь дунд,  20 хувьд ургамал цухуйгаагүй, ургамлын дундаж өндөр 3-10см байна.

Хөрсний чийгшил: Буудай, төмсний талбайн 0-20см-ийн гүнд Баянгол, Орхон, Орхонтуул, Мандал сумдын нутгаар чийг хангалтгүй, Цагааннуур,  Ерөө, сумдын нутгаар чийг  дунд, 0-50см-ийн гүнд Баянгол дунд,   Цагааннуур, Орхон, Ерөө, Орхонтуул, Баянгол,  Мандал сумдын нутгаар хангалттай, 0-100см-ийн гүнд Цагааннуур,  Баянгол, Орхон,  Ерөө, Орхонтуул, Мандал сумдын нутгаар чийг хангалттай  гэсэн үнэлгээтэй байна.

Бэлчээрийн талбайн 0-20см-ийн гүнд Баянгол, Орхон, Ерөө  сумдын нутгаар чийг хангалтгүй,  0-50, см- ийн гүнд Орхон, Баянгол дунд,  Ерөө  хангалттай, 0-100-ийн гүнд Баянгол хангалтгүй, Орхон Ерөө хангалттай, Баянгол хангалтгүй гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд малд нэмэгдэл тэжээл өгөх, бод, бог мал төллүүлэх, мал хөнгөлөх,  ямаа самнах, мал хээлтүүлэх,  сааль сүү бэлтгэх,  газар тариалангийн үйлдвэрлэлд хаврын хагалгаа, үр суулгах,  төмс хүнсний ногоо тариалах, бордоо цацах ажлууд явагдаж байна.