2023 оны 8-р сарын 2-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын  дундаж температур 16.6-18.7 градус,  агаарын  хамгийн  их  температур 27.9-31.0 градус,  хамгийн бага  температур 5.5- 9.5 градус дулаан. Хөрсний  дундаж температур  20.5-24.3 градус,  хамгийн  их  температур  41.4-59.6 градус,  хамгийн  бага  температур 3.0-7.0 градус  дулаан байлаа.

Хур тунадастай өдрийн тоо, тунадасны хэмжээ:  Сүхбаатар, Ерөө, Орхонтуул, Баруунбүрэн, Зүүнбүрэн, Түшиг, Хушаат сумдын нутгаар  27.0-45.2мм, 4-7 өдөр,  бусад сумдын нутгаар 17.1-20.1мм   2-5 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол, Орхон, Ерөө, Орхонтуул, Цагааннуур, Мандал, Зүүнбүрэн сумдын нутгаар 10-17м/с, 1-4 өдөр  бусад сумдын нутгаар  5-8м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл  8-дугаар сарын 20-ны байдлаар ургамлын  ургалт 90  хувьд нь  сайн, 10 хувьд  дунд, Орхон, Ерөө, Орхонтуул, Мандал, Баруунбүрэн, Зүүнбүрэн, Түшиг  сумдын нутгаар ургамлын дундаж өндөр 29-40см, бусад сумдын нутгаар  19-29см байна

Улаанбуудайн ургалтын байдал ихэнх сумдын нутгаар сайн, Цагааннуур, Баянгол сүүнбололт,  Орхон, Орхонтуул,  Ерөө  сумдын нутгаар аарцанбололтын үе шатанд байгаа бол ургамлын дундаж өндөр 80-102см, түрүүний урт 10-11см,  төмс-цэцэглэлтийн төгсгөлийн үе шат ажиглагдсан, ургамлын дундаж өндөр  54-56см байна.

Хөрсний чийгшил: Буудай, төмсний талбайн 0-20см-ийн гүнд Ерөө, Орхон Цагааннуур, Баянгол, Мандал, Орхонтуул сумдын нутгаар хангалттай, 0-50, 0-100см-ийн гүнүүдэд Ерөө, Орхон дунд, Цагааннуур, Баянгол, Мандал, Орхонтуул сумдын нутгаар хөрсний чийг хангалттай

Бэлчээрийн талбайн: 0-20, 0-50, 0-100см-ийн гүнд  Орхон, Ерөө сумдын нутгаар дунд, Баянгол  сумын нутгаар  хөрсний чийг хангалттай  байна.

Бэлчээрийн ургамлын хөнөөлт царцаа, мэрэгчдийн ажиглалт: Ихэнх сумдын нутгаар тоонолжилт, азийн судалт царцаахай, өргөн далавчит, барабины таршаа ажиглагдсан бөгөөд 1м квд талбайд дундажаар 1-3ширхэг царцаа  ажиглагдаж, Цагааннуур, Орхон сумдын нутгааар царцаа ажигладаагүй. Хушаат, Ерөө, Орхонтуул сумдын нутгаар үлийн цагаан оготно ажиглагдаж 50х50 м (0.25 га)  талбайд  дундажаар 3-6  ширхэг тоологдсон байна.

Хөдөө аж ахуйн үйлдвэрлэлд: МАА-н үйлдвэрлэлд. мал оторлох, газар тариаланд хүнсний ногоо хураах,  уринш боловсруулах  ажилууд явагдаж байна.