2017 оны 9 дугаар сарын 2-р арав хоногийн ХААЦУ-ын тойм

Агаарын температур: Арав хоногийн агаарын дундаж температур  12.0–13.8 градус, агаарын хамгийн их температур 24.2–28.6 градус, хамгийн бага температур -2.0 градус хүйтнээс 2.7 градус дулаан.  Хөрсний дундаж температур  13.5–17.4 градус, хамгийн их температур 33.2–49.7 градус дулаан, хамгийн бага температур -4.0 градус хүйтнээс 1.2 градус  дулаан  байлаа .

Хур тунадастай өдрийн тоо, тунадасны хэмжээ:   Энэ  арав хоногт   нийт сумдын нутгаар 1-4 удаа  тунадас орж Ерөө, Орхон, Хүдэр, Зэлтэр сумдын нутгаар  12.0-15.8 мм, бусад сумдын нутгаар 2.4– 8.4 мм  орсон байна.  

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Мандал, Ерөө, Орхон, Цагааннуур, Орхонтуул, Хүдэр, Хушаат  сумдын нутгаар  10-18м/с, бусад сумдын нутгаар 5-8м/с, салхитай өдрийн тоо ихэнх сумдын нутгагт 1-5 өдөр салхитай байлаа.  

Бэлчээрийн болон таримал  ургамлын  өндөр, ургалтын балл: Нутгийн 60 хувьд нь зуншлага сайн, 40 орчим хувьд дунд. Бэлчээрийн ургамлын өндөр 8-57см. Улаанбуудайн ургалт ихэнх сумдын нутгаар сайн, ургамлын өндөр 32-78 см байна.  Цагааннуур, Орхон, Ерөө, Зүүнбүрэн, Баянгол,  Орхонтуул сумдууд бүрэн бололтын үе шатанд орсон.

Хөрсний чийгшил:  Улаанбуудайн  талбайн 0-20см-т  Цагааннуур, Ерөө, Орхон сумдын нутгаар хангалттай,  Баянгол, Орхонтуул сумдын нутгаар дунд, 0-50см-т Цагааннуур, Ерөө, Орхон сумдын нутгаар хангалттай,  Баянгол, Орхонтуул сумдун нутгаар дунд, 0-100см–т Цагааннуур, Ерөө, Орхонтуул, Орхон сумдын нутгаар хангалттай, Баянгол сумын нутгаар дунд.  Бэлчээрийн талбайд 0-20см, 0-50см-т Баянгол, Ерөө сумдын нутгаар хангалттай, Орхон сумын нутгаар  дунд, 0-100см-т Ерөө,Орхон сумдын нутгаар дунд гэсэн үнэлгээтэй байна.

Бэлчээрийн болон таримал  ургамлын хөнөөлт хортон шавьж, царцаа, мэрэгчдийн  ажиглалт: 2-р арав хоногт ихэнх сумдын  нутгаар  бараан далавчит, тоонолжит, барабины таршаа ажиглагдсан.бөгөөд  1м²  хүрээнд  дунджаар 1-6  тоологдсон.Таримал ургамалд Зүүнбүрэнд бараан далавчит, гессений ялаа дундажаар 6 ажиглагдсан байна. Бусад сумдын нутгаар нисэгч болон хөнөөлт хортон шавьж ажиглагдаагүй. 

Хөдөө аж ахуйн үйлдвэрлэлд: МАА-н үйлдвэрлэлд  малд мал оторлох, хадлан тэжээл бэлтгэх ажлууд үргэлжилж байна.  Газар тариаланд төмс, хүнсний ногоо хураах,  уринш бэлтгэх, улаанбуудайн ангилан болон шууд хураалтын ажилууд  явагдаж   байна.

                                                          Тойм бичсэн: О.Мягмардулам