2022 оны 7-р сарын 2-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  17.6-21.1 градус,  агаарын  хамгийн  их  температур 30.2-34.1 градус,   хамгийн  бага  температур 6.5-12.0 градус дулаан. Хөрсний  дундаж  температур  22.0-27.5 градус,   хамгийн  их  температу 52.1-65.2градус,  хамгийн  бага  температур 5.3-9.2 градус  дулаан байлаа.

Хур тунадастай өдрийн тоо, тунадасны хэмжээ:  Ерөө, Орхонтуул, Түшиг, Хүдэр, Бугант, Хушаат, сумдын нутгаар  22.0-50.7мм бусад сумдын нутгаар 5.3-19.8мм тунадас 3-7 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон,  Орхонтуул, Цагааннуур, Мандал сумдын нутгаар 11-21м/с, бусад сумдын нутгаар 4-9м/с хүрсэн байна.    

Бэлчээрийн  ургамлын үе шат, өндөр, ургалтын байдал: 7-дугаар сарын 20-ны байдлаар  ургамлын ургалтын  байдал 80 гаруй  хувьд нь сайн, 20 орчим  хувьд  дунд, ургамлын дундаж өндөр 12-46см байна. Улаанбуудайн ургалтын байдал нийт  сумдын  нутгаар сайн, Баянгол, Орхонтуул  түрүүлэлт, Цагааннуур, Орхон, Ерөө сумдын нутгаар цэцэглэлт, төмс баг цэцгийн үүслийн үе шатанд  орсон,  ургамлын дундаж өндөр 30-94см.

Хөрсний чийгшил: Буудай, төмсний талбайн 0-20см-ийн гүнд Орхон, Орхонтуул, Цагааннуур сумдын нутгаар дунд, Мандал, Баянгол, Ерөө сумдын нутгаар хангалттай, 0-50см-ийн гүнд Орхон, Цагааннуур сумдын нутгаар дунд, Орхонтуул, Мандал, Баянгол, Ерөө хангалттай,  0-100см-ийн гүнд   Цагааннуур, Орхон дунд, Баянгол, Орхонтуул Ерөө, Мандал сумдын нутгаар хангалттай 

Бэлчээрийн талбайн  0-20,0-50, 0-100см-ийн гүнүүдэд Орхон хангалтгүй, Баянгол, Ерөө дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Ерөө, Мандал, Баруунбүрэн, Зүүнбүрэн, Түшиг, Хушаат сумдын нутгаар бараан далавчит, тоонолжилт, азийн судалт, барбины таршаа ажиглагдсан бөгөөд 1м²–т хүрээнд дундажаар 2-4 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд мал ногоолуулах, мал оторлох,  газар тариалангийн үйлдвэрлэлд, улаанбуудайн хор, бордоо цацалт, төмс манах, уринш боловсруулах ажилууд явагдаж байна.