2019 oны 9 дүгээр сарын 3-р арав хоногийн ХААЦУ-ын тойм.

Агаарын температур: Нийт сумдын нутгаар арав хоногийн агаарын дундаж температур 11.6-14.7 градус, агаарын хамгийн их температур 26.6-31.0 градус, хамгийн бага температур -2.9....-6.5 градус хүйтэн.  Хөрсний дундаж температур  14.5-17.5 градус, хамгийн их температур 44.2-51.3 градус,  хамгийн бага  температур -4.1…-8.5 градус хүйтэн байлаа.

Хур тунадастай өдрийн тоо, тунадасны хэмжээ: Ихэнх сумдын нутгаар 0.0-0.6мм тунадас 1-2 өдөр орсон.

Салхитай өдрийн тоо,  хамгийн их хурд:  Салхины хамгийн их хурд Баянгол, Сүхбаатар, Орхон, Ерөө,Орхонтуул, Мандал, Цагааннуур, Хушаат сумдын нутгаар 10-15м/с, бусад сумдын нутгаар 4-9м/с, 1-4 өдөр хүрсэн байна.  

Таримал ургамал: Буудайн  ургалтын байдал Орхонтуул дунд бусад сумдын нутгаар сайн, хөгжлийн үе шат Цагааннуур аарцан бололт Мандал Орхонтуул, Ерөө, Орхон Зүүнбүрэн бүрэнбололт  үе шатанд орсон, ургамлын өндөр  41-65см байна.

Хөрсний чийгшил: Тариалангийн талбайн 0-20см-ийн гүнд Цагааннуур, Орхон, Баянгол Орхонтуул Ерөө хангалтгүй, Мандал хангалттай, 0-50см-ийн гүнд Орхон, Баянгол Цагааннуур хангалтгүй, Орхонтуул дунд,  Мандал, Ерөө сумдын нутгаар хангалттай, Бэлчээрийн талбайн 0-20, 0-50см-ийн гүнд Орхон, Баянгол хангалтгүй, Ерөө  хангалттай.

Бэлчээрийн ургамлын хөнөөлт царцааны ажиглалт:  Ихэнх сумдын нутгаар бараан далавчит, тоонолжилт  царцаа 1м²-т  хүрээнд дунджаар 1-4 ажиглагдсан.

Хөдөө аж ахуйн үйлдвэрлэлд:  МАА-н үйлдвэрлэлд  хадлан тэжээл бэлтгэх,  газар тариалангийн үйлдвэрлэлд тариа хураалтын  ажил явагдаж байна.

                                                               Тойм бичсэн             Р.Шинэбаяр.