2021 оны 3-дугаар сарын 2-р арав хоногийн ХААЦУ-ын тойм

Агаарын температур: Арав хоногийн агаарын дундаж температур 3.0 градус хүйтэн  буюу нийт  сумдын нутгаар  олон жилийн дунджаас 3.0-5.5 градусаар дулаан,  хамгийн их температур 7.8-19.3 градус дулаан,  хамгийн бага температур  15.9-22.1градус хүйтэн.  Хөрсний дундаж температур 0.1-7.0 градус хүйтэн,  хамгийн их температур 16.2-26.9градус дулаан,  хамгийн бага температур  17.1-25.2 градус хүйтэн байлаа.

Хур тунадастай өдрийн тоо, тунадасны хэмжээ: Ерөө, Хүдэр сумын нутгаар 7.3-7.9мм, бусад сумдын нутгаар 0.0-3.8мм, 2-4өдөр  тунадас орсон .

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Орхон,  Ерөө, Орхонтуул,  Мандал, Цагааннуур, Түшиг сумдын нутгаар  17-24м/с,  бусад сумдын нутгаар 10-14м/c салхитай байлаа.

Цасан бүрхүүлийн бүрхэц, зузаан см, нягт:  Цасны дундаж зузаан Хүдэр, Түшиг, Бугант, Орхон, Сүхбаатар, Ерөө сумдын нутгаар 1-6см, цасны нягт 0,22-0,24 гр/см³, бусад сумдын нутгаар цасгүй байна. Цас ихтэй   байсан Түшиг сумын нутгаар малын бэлчээрлэлт,  хаваржилтын байдал хүндэрээд байна. Иймд тухайн сумын 4 зүгийг хамруулан цасны нэмэлт ажиглалтыг хийсэн бөгөөд цасны  дундаж зузаан 7-10см,  нягт 0,21-0,29 гр/см³  байна.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, бог, бод мал төллүүлэх  ажилууд явагдаж байна.