2020 оны 8-р сарын 2-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын   дундаж   температур  17.2-19.5 градус,  агаарын хамгийн  их  температур 26.5-29.9 градус,   хамгийн  бага  температур 4.2-7.6 градус дулаан. Хөрсний  дундаж  температур  20.3-26.3 градус,   хамгийн  их  температур 45.0-59.8 градус,  хамгийн  бага  температур 2.1-7.0 градус  дулаан байлаа.

Хур тунадастай өдрийн тоо, тунадасны хэмжээ:  Баянгол, Сүхбаатар, Орхон, Орхонтуул, Зүүнхараа, сумдын нутгаар  18.9-42.9мм бусад сумдын нутгаар 3.9-15.5мм тунадас 1-6 өдөр орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал,  сумдын нутгаар 12-16м/с, бусад сумдын нутгаар 5-10м/с хүрсэн байна.    

Бэлчээрийн  ургамлын үе шат, өндөр, ургалтын байдал: 8-дугаар сарын 20-ны байдлаар  ургамлын ургалтын  байдал 80 гаруй  хувьд нь сайн, 20 орчим  хувьд  дунд, ургамлын дундаж өндөр 12-49см байна.

Улаанбуудайн ургалтын байдал нийт  сумдын  нутгаар сайн, Баянгол түрүүлэлт, Цагааннуур аарцанбололт, Орхонтуул бүрэнбололт,  Орхон, Ерөө аарцанбололтын   үе шатанд орсон,  ургамлын дундаж өндөр 50-74см.

Хөрсний чийгшил: Буудай, төмсний талбайн 0-20см-ийн гүнд Баянгол, Цагааннуур хангалтгүй,  Орхон, Ерөө, Орхонтуул, Мандал сумдын нутгаар хангалттай, 0-50см-ийн гүнд Баянгол хангалтгүй, Орхон, Ерөө, Цагааннуур, Мандал  хангалттай,  0-100см-ийн гүнд   Баянгол, Орхонтуул, Цагааннуур хангалтгүй, Баруунхараа дунд, Орхон, Ерөө, Мандал сумдын нутгаар хангалттай. 

Бэлчээрийн талбайн  0-20,0-50см-ийн гүндүүдэд  Баянгол дунд,  Ерөө хангалттай, Орхон хангалтгүй,  0-100см-ийн гүнд  Баянгол, Орхон   хангалтгүй,  Ерөө, Баянгол дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Сүхбаатар, Баянгол, Ерөө, Мандал,  Зүүнбүрэн, Түшиг, Хүдэр сумдын нутгаар бараан далавчит, тоонолжилт, барбины таршаа, сибирийн царцаа ажиглагдсан бөгөөд 1м²–т хүрээнд дундажаар 2-7 ширхэг царцаа тоологдсон бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд хужир шүү бэлтгэх, мал оторлох,  газар тариалангийн үйлдвэрлэлд , төмс хүнсний ногоо хураах, уринш боловсруулах, ангилан хадах ажилууд явагдаж байна.

                                                                                              Тойм бичсэн    Р. Шинэбаяр.