2020 оны 4-р сарын 3-р арав хоногийн ХААЦУ-ын тойм.

Агаарын температур: Нийт  сумдын  нутгаар  арав   хоногийн   агаарын   дундаж   температур  10.5-14.7 градус  дулаан,  агаарын  хамгийн  их  температур 30.3-36.2 градус  дулаан,   хамгийн  бага  температур   9.2 -15.1 градус  хүйтэн.   Хөрсний  дундаж  температур  13.3-20.6 градус  дулаан,   хамгийн  их  температур 43.3-61,0 градус  дулаан,  хамгийн  бага  температур 10.9-19.5 градус  хүйтэн  байлаа.

Хур тунадастай өдрийн тоо, тунадасны хэмжээ: Сүхбаатар,  Ерөө,  Зүүнбүрэн, Түшиг, Хушаат  сумдын нутгаар 0.0-1.1мм, бусад сумдын нутгаар хур тунадас ороогүй байна.

Салхитай өдрийн тоо,  хамгийн их хурд: Сүхбаатар, Баянгол, Орхон, Ерөө, Орхонтуул, Цагааннуур, Мандал,  Зүүнбүрэн, Хушаат  сумдын нутгаар 14-26м/с, бусад сумдын нутгаар 10-12м/с хүрсэн байна.    

Бэлчээрийн ургамлын үе шат, өндөр, ургалтын балл: 4 дүгээр сарын 30-ны байдлаар  ургамлын ургалтын  байдал  80 гаруй  хувьд нь  дунд, 20 орчим хувьд буюу Ерөө, Зүүнбүрэн, Түшиг сумдын нутгаар сайн, ургамлын дундаж өндөр 1-4см байна.

Хөрсний чийгшил: Буудай, төмсний талбайн  0-20см-ийн гүнд Баянгол, Орхонтуул, Мандал  Цагааннуур, Орхон сумдын нутгаар чийг  хангалтгүй,  Ерөө хангалттай, 0-50см-ийн гүнд Баянгол, Цагааннуур, Мандал  сумд хангалтгүй,   Орхонтуул,  Орхон  дунд,  Ерөө  хангалттай, 0-100см-ийн гүнд  Баянгол, Орхонтуул, Мандал, Цагааннуур сумдын нутгаар хангалтгүй,  Ерөө дунд, Орхон хангалттай байна.

Бэлчээрийн талбайн 0-20см-ийн гүнд  Орхон,  Ерөө, Баянгол сумдын нутгаар  хангалтгүй,  0-50см- ийн гүнд  Орхон,  Баянгол хангалтгүй, Ерөө хангалттай,  0-100см-ийн гүнд  Баянгол, Орхон хангалтгүй, Ерөө дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  бог, бод малын төллүүлэх, хөөвөр хялгас авах, мал оторлох,  газар тариалангийн үйлдвэрлэлд хаврын хагалгаа, борнойдох, төмс хүнсний ногоо тариалах ажлууд явагдаж байна. 

                                                                                  Тойм  бичсэн                      Р.Шинэбаяр.