СЭЛЭНГЭ АЙМГИЙН НУТГААРХИ МАЛ ӨВӨЛЖИЛТИЙН ЦАГ АГААРЫН НӨХЦЛИЙН ТОЙМ

Агаарын температур:  2021 оны байдлаар агаарын дундаж температур 10 дугаар сард аймгийн дунджаар 2.0 градус дулаан, Баруунбүрэн, Зүүнбүрэн, Мандал, Бугант, Түшиг, Хүдэр сумдын нутгаар уур амьсгалын  дунджаас  1.2-2.0 градусаар дулаан,  бусад сумдын нутгаар дунджийн  орчим, 11-дүгээр сард аймгийн  дунджаар 7.6 градус хүйтэн буюу уур амьсгалын дунджаас 3.4 градусаар дулаан байлаа. 12-дугаар сард аймгийн дунджаар агаарын дундаж температур 16.2 градус хүйтэн, уур амьсгалын дунджаас 5.0 градусаар дулаан байлаа. 12-р сарын 23,24,25-ны өдөрүүдэд хамгийн их хүйтэн ажиглагдсан ба хамгийн хүйтэн нь Ерөө суманд 37.6 градус, Түшиг суманд 37.3 градус, Зүүнбүрэн суманд 36.1 градус, бусад сумдын нутгаар 30.9-34.7 градус хүрсэн.  01-дүгээр сард аймгийн  дунджаар 20.8 градус хүйтэн,  дунджаас 3.6 градусаар дулаан байв. 01-дүгээр сарын  27,28,29,30,31-ны өдөрүүдэд ихэнх сумдын нутгаар эрс хүйтэрч  хамгийн  их хүйтэн  Ерөө суманд 36.8 градус, Түшиг суманд 35.1 градус,  бусад сумдын нутгаар 28.7-34.8 градус хүрч хүйтэрсэн байна.

Хур тунадас  10 дугаар сард аймгийн дунджаар 12.2мм дунджийн орчим, 11 дүгээр сард 3.2мм буюу уур амьсгалын дунджаас 2.9мм-ээр бага,   хамгийн их хур тунадас Баруунбүрэн суманд 8.0 мм,  дунджаас 3мм-ээр ахиу орж, бусад сумдын нутгаар 1.4-6.3мм-ээр бага  орсон байна. 12-дугаар сард аймгийн дунджаар 3.3мм,  уур амьсгалын дунджаас  1.6мм-ээр бага, Бугант сум дунджаас 1.3мм-ээр ахиу, Сүхбаатар, Баруунбүрэн, Зүүнбүрэн, Хүдэр, Түшиг сумдын нутгаар  0.3мм-ээр дунджийн орчим, бусад сумдын нутгаар  дунджаас 1.2-4.7мм-ээр бага  цас орсон. 01-дүгээр сард аймгийн  дунджаар 3.2мм,  дунджийн орчим хур тунадас орж, Сүхбаатар, Орхонтуул, Цагааннуур, Түшиг сумдын нутгаар дунджаас  0.9-2.9мм-ээр ахиу, Ерөө, Зүүнбүрэн, Бугант сумдын нутгаар дунджаас 0.7-1.9 мм-ээр бага, бусад сумдын нутгаар дунджийн орчим  цас орсон.

Цасан бүрхүүл. 11-дүгээр сарын 20-ны байдлаар нутгийн 80 гаруй хувьд цасан бүрхүүл тогтож, цасны дундаж зузаан 0-3см, 30-ны байдлаар  Сүхбаатар, Орхон, Ерөө, Зүүнбүрэн, Хүдэр, Бугант, Түшиг сумдын нутгаар 2-4см, бусад сумдын  нутгаар 0-1см, 12-дугаар сарын 31-ны байдлаар Сүхбаатар, Цагааннуур,  Бугант, Түшиг, Хүдэр,  Зүүнбүрэн сумдын нутгаар 5-12см,  цасны дундаж нягт 0.11-0.16гр/см³, бусад сумдын  нутгаар 0-4см, 01-дүгээр сарын 31-ны байдлаар Сүхбаатар, Цагааннуур,  Бугант, Түшиг, Хүдэр, Хушаат, Ерөө, Зүүнбүрэн сумдын нутгаар 6-16см,  цасны дундаж нягт 0.11-0.18гр/см³,  бусад сумдын  нутгаар 2-4см цастай байна

/12-дугаар сарын 31-ны байдлаар /           / 01-дүгээр сарын 31-ны байдлаар /        

Өвлийн бэлчээрийн  цасны явуул судалгаагаар Түшиг, Бугант, Хүдэр, Зүүнбүрэн сумд, Алтанбулаг сумын Хөдөө, Баруунбүрэн сумын Шувуут,  Цагааннуур сумын Хуурч, Тийрэг, Мандал сумын  Хэрх багуудын нутгаар цасны дундаж зузаан 10-16см, дундаж нягт  0.12-0.17гр/см³, Орхонтуул, Орхон, Сүхбаатар,  Сайхан, Сант, Хушаат, Ерөө сумд,  Баруунбүрэн сумын Ивэн, Цагаановоо, Цагааннуур сумын Өгөөмөр, Шаамар сумын  Дулаанхаан Алтанбулаг сумын Бүргэдэй, Суварга багуудын нутгаар 5-9см, нягт 0.04-0.18 гр/см³,  бусад сумдын нутгаар 0-4см цастай байна. Хөрийн зузаан, Сүхбаатар  Цагааннуур, Түшиг, Алтанбулаг  сумдын  нутгаар 1-2см, бусад сумдын нутгаар хөрийн зузаан байхгүй. Цаснаас дээш ургамлын өндөр 3-27см, салхи шуурга багатай байсан тул хунгар бага тогтсон. Нийт сумдын нутгаар өвөлжилтийн байдал хэвийн байна.