2017 оны 11 дугаар сарын 3-р арав хоногийн ХААЦУ-ын тойм

Агаарын температур: Нийт сумдын нутгаар арав хоногийн агаарын дундаж температур  -13.1… -16.9 градус хүйтэн, агаарын хамгийн их температур 2.0…-4.3 градус  хүйтэн,   хамгийн бага температур  -23.2… - 31.7 градус хүйтэн  байлаа.  Хөрсний дундаж температур  -13.4…-18.6 градус хүйтэн,  хамгийн их температур 6.5.. –2.7 градус хүйтэн,  хамгийн бага температур  -24.4 …–36.6 градус хүйтэн байлаа.

Хур тунадастай өдрийн тоо, тунадасны хэмжээ: 3-р  арав хоногт ихэнх сумдын  нутгаар 1-4 удаа, Орхонтуул, Орхон, Баянгол сумдын нутгаар 3,0-9,9мм, бусад сумдын нутгаар  0.0– 1,8мм  хур тунадас орсон байна.

Салхитай өдрийн тоо,  хамгийн их хурд:  Салхины хамгийн их хурд Орхонтуул,Сүхбаатар, Орхон, Мандал, Ерөө, Баянгол, Цагааннуур сумдын нутгаар 11-20   м/с, салхитай өдрийн тоо 1-4, бусад сумдын нутгаар  5 -10м/с хүрсэн  байна.  

Цасан бүрхүүлийн бүрхэц, зузаан см, нягт:  3-р  арав   хоногт нийт нутгаар 4-10 баллын цасан бүрхүүлтэй, Орхонтуул, Орхон, Баруунбүрэн, Бугант сумдын нутгаар цасны зузаан 7-18см,  цасны нягт 0,05-0,23г/см³, бусад сумдын нутгаар цасны  зузаан 0-4см,   байлаа.

Хөдөө аж ахуйн үйлдвэрлэлд: МАА-н үйлдвэрлэлд  Цагааннуур, Бугант сумдын нутгаар малд нэмэгдэл тэжээл өгөх ажил явагдаж  байна. Цаг агаарын байдал энэ арав хоногт тохиромжтой байлаа.

Тойм бичсэн О.Мягмардулам