2018 оны 2 дугаар сарын 3-р арав хоногийн ХААЦУ-ын тойм

Агаарын температур: Нийт сумдын нутгаар арав хоногийн агаарын дундаж температур   -12.6…-19.3 градус,  Баянгол, Сүхбаатар, Мандал, Цагааннуур, Хушаат, Зүүнбүрэн, Түшиг сумд ожд-аас 1.3-6.0 градусаар  дулаан, Баруунбүрэн, Орхонтуул, Бугант   сумдын нутгаар ожд-аас 1.1-2.4 градус хүйтэн, бусад сумдын нутгаар дунджын орчим байв. Агаарын үнэмлэхүй их температур -3.1…-8.9 градус, үнэмлэхүй бага  -21.2....-33.0 градус хүйтэн. Хөрсний дундаж температур  -12.3…-20.3 градус,  хамгийн их температур  0.1-5.0 градус дулаанаас -1.2...-4.3 градус  хүйтэн,  хамгийн бага температур  -24.9 …-37.3 градус хүйтэн байлаа.

Хур тунадастай өдрийн тоо, тунадасны хэмжээ: Нийт сумдын  нутгаар 1-4 удаа цас орсон бөгөөд   Сүхбаатар, Баянгол, Орхон, Ерөө, Хүдэр, Бугант, Хушаат сумдын нутгаар 0.3-2.6мм буюу ожд-аас ахиу бусад сумдын нутгаар  олон жилийн дунджаас бага   цас орсон байна.

Салхитай өдрийн тоо,  хамгийн их хурд:  Салхины хамгийн их хурд Сүхбаатар суманд  11м/с хүрсэн , бусад сумдын нутгаар  3-9м/с хүрсэн  байна.  

Цасан бүрхүүлийн бүрхэц, зузаан см, нягт:   Орхон, Бугант, Баруунбүрэн, Орхонтуул, Хүдэр, Баянгол, Ерөө сумдын нутгаар 9-24см, цасны нягт 0,16-0,24 г/см³, бусад сумдын нутгаар 1-4см  байна. Өвөлжилт хүндэрсэн сумдын  4 зүгт хийсэн хэмжилтээр Орхонтуул 18-30см, Баруунбүрэн 7-31 см. Орхон 7-10 см зузаан цастай байна. Цасны нягт  Орхонтуул, Баруунбүрэн  суманд 0.17-0.34г/см³,   хунгарласан газартаа 22-74см,  хөрийн зузаан 3-25см хүртэл хатуурч нягтаршсан байна. 

Хөдөө аж ахуйн үйлдвэрлэлд: МАА-н үйлдвэрлэлд  нийт сумдын нутгаар малд нэмэгдэл тэжээл өгөх ажил үргэлжилж  байна  Ерөө, Цагааннуур, Зүүнбүрэн сумдын нутгаар бог, бод малын төллөлт эхэлсэн. Орхонтуул, Баруунбүрэн  сумдын нутгаар цас ихтэй өвөлжилт хүндэрсэний улмаас малын бэлчээрлэлт  саатсан. 

Тойм бичсэн                      Г. Мөнгөнтуяа