2018 оны 3 дугаар сарын 1-р арав хоногийн ХААЦУ-ын тойм

Агаарын температур: Нийт сумдын нутгаар арав хоногийн агаарын дундаж температур   -13,3…-20,7 градус,  ихэнх сумдын нутгаар  ожд-аас 1.5-5.8 градусаар  хүйтэн, Баянгол, Мандал, Хушаат   сумдын нутгаар ожд-ийн орчим байв. Агаарын үнэмлэхүй их температур -0.1…-6.3 градус хүйтэнээс,  0.0-4.1градус дулаан, үнэмлэхүй бага  -23.4...-35.8 градус хүйтэн. Хөрсний дундаж температур  -13.2…-21.4 градус,  хамгийн их температур  0.8-12.1 градус дулаан,  хамгийн бага температур  -26.5 …-40.6 градус хүйтэн байлаа.

Хур тунадастай өдрийн тоо, тунадасны хэмжээ: Нийт сумдын  нутгаар 1-2 удаа цас орсон бөгөөд   Сүхбаатар, Цагааннуур,  Ерөө, Зүүнбүрэн,  Түшиг, Хүдэр, Хушаат сумдын нутгаар 0.9-3.9мм буюу ожд-аас ахиу, Бугант дунджийн орчим бусад сумдын нутгаар  олон жилийн дунджаас бага   цас орсон байна.

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Цагааннуур, Орхонтуул, Орхон, Ерөө, Мандал сумдын нутгаар   13-19м/с, бусад сумдын нутгаар  3-8м/с хүрсэн  байна.  

Цасан бүрхүүлийн бүрхэц, зузаан см, нягт:   Орхон, Бугант, Баруунбүрэн, Орхонтуул, Хүдэр, Сүхбаатар, Ерөө сумдын нутгаар 8-22см, цасны нягт 0,18-0,26 г/см³, бусад сумдын нутгаар 0-5см  байна. Өвөлжилт хүндэрсэн сумдын  4 зүгт хийсэн хэмжилтээр Орхонтуул 16-31см, Баруунбүрэн 6-22 см. Орхон 5-9см зузаан цастай байна. Цасны нягт  Орхонтуул, Баруунбүрэн  суманд 0.20-0.36г/см³,   хунгарласан газартаа 20-65см,  хөрийн зузаан 2-24см хүртэл хатуурч нягтаршсан байна. 

Хөдөө аж ахуйн үйлдвэрлэлд: МАА-н үйлдвэрлэлд  нийт сумдын нутгаар малд нэмэгдэл тэжээл өгөх, бог, бод малын төллөлт үргэлжилж  байна  Орхонтуул, Баруунбүрэн  сумдын нутгаар цас ихтэй өвөлжилт хүндэрсэний улмаас малын бэлчээрлэлт  саатсан. 

 Тойм бичсэн                               Г. Мөнгөнтуяа