2019 оны 6-дугаар сарын 2-р арав хоногийн ХААЦУ-ын тойм

Агаарын температур: Нийт сумдын нутгаар арав хоногийн агаарын дундаж температур 20.4-23.2 градус, агаарын хамгийн их температур 32.6-37.4 градус,  хамгийн бага температур  5.0-8.8 градус дулаан.  Хөрсний дундаж температур  26.5-33.8 градус, хамгийн их температур 57.7-67.5градус,  хамгийн бага  температур 2.3-8.2 градус дулаан байлаа.

Хур тунадастай өдрийн тоо, тунадасны хэмжээ:  Баянгол, Орхон, Орхонтуул, Баруунбүрэн  сумдын нутгаар  11.8-22.7мм бусад сумдын нутгаар 0.0-8.4мм,  1-5 өдөр орсон.

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол,  Ерөө, Орхонтуул, Цагааннуур, Мандал сумдын нутгаар 16-23м/с, бусад сумдын нутгаар 7-14м/с, 1-6 өдөр хүрсэн байна.  

Бэлчээрийн ургамал: Ургамлын ургалтын байдал 40 хувьд сайн, 50 орчим хувьд дунд, 10 гаруй хувьд Цагааннуур, Орхонтуул сумдын нутгаар муу. Ургамлын өндөр 3-14 см байлаа.

Таримал ургамал: Буудайн ургалтын байдал нийт сумдын нутгаар сайн, хөгжлийн үе шат Цагааннуур, Зүүнбүрэн сумд 3дахь навчлалт, Орхон, Орхонтуул, Баянгол, Ерөө сумдын нутгаар бутлалтын үе шатанд орсон, ургамлын өндөр  14-25см байна.

Хөрсний чийгшил:  Тариалангийн талбайн 0-20, 0-50см-ийн гүнд Ерөө хангалттай, Мандал дунд,  Баянгол, Цагааннуур, Орхон, Орхонтуул сумдын нутгаар хангалтгүй, Бэлчээрийн талбайн 0-20, 0-50см-ийн гүнд  Ерөө дунд,  Баянгол,  Орхон сумдын нутгаар чийг  хангалтгүй байна.

Бэлчээрийн ургамлын хөнөөлт царцааны ажиглалт: Сүхбаатар, Ерөө, Хушаат, Зүүнбүрэн, Хүдэр сумдын нутгаар бараан далавчит, тоонолжилт  царцаа 1м²-т  хүрээнд дунджаар 1-2 ажиглагдсан.

Хөдөө аж ахуйн үйлдвэрлэлд:  МАА-н үйлдвэрлэлд  ихэнх сумдын нутгаар хонь хяргах, мал оторлох, бод мал төллүүлэх,  газар тариалангийн үйлдвэрлэлд төмс, хүнсний ногоо услах, хор, бордоо цацах ажил явагдаж байна.

     Тойм бичсэн             Г. Мөнгөнтуяа