2019 оны 6-дугаар сарын 3-р арав хоногийн ХААЦУ-ын тойм

Агаарын температур: Нийт сумдын нутгаар арав хоногийн агаарын дундаж температур 20.0-22.0 градус, агаарын хамгийн их температур 32.2-36.4 градус,  хамгийн бага температур  7.0-11.7 градус дулаан.  Хөрсний дундаж температур  25.0-31.6 градус, хамгийн их температур 57.5-68.7градус,  хамгийн бага  температур 5.1-11.6 градус дулаан байлаа.

Хур тунадастай өдрийн тоо, тунадасны хэмжээ: Орхон, Орхонтуул сумдын нутгаар  36.7-48.3мм бусад сумдын нутгаар 12.4-29.8мм,  3-7 өдөр орсон.

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Орхонтуул, Цагааннуур, Мандал сумдын нутгаар 14-24м/с, бусад сумдын нутгаар 6-11м/с, 1-6 өдөр хүрсэн байна.  

Бэлчээрийн ургамал: Ургамлын ургалтын байдал 60 орчим хувьд сайн, 30 гаруй  хувьд дунд, 10 орчим  хувьд муу байна. Ургамлын өндөр 3-16 см, Баянгол, Ерөө, Мандал, Бугант сумдын нутгаар 2.7-6.2ц/га, бусад сумдын нутгаар 0.5-2.2ц/га  байлаа.

Таримал ургамал: Буудайн  ургалтын байдал нийт сумдын нутгаар сайн, хөгжлийн үе шат Цагааннуур, Зүүнбүрэн, Орхонтуул сумд бутлалт, Орхон, Баянгол, Ерөө сумдын нутгаар голлолтын үе шатанд орсон, ургамлын өндөр  15-31см байна.

Хөрсний чийгшил:  Тариалангийн талбайн 0-20, 0-50см-ийн гүнд Ерөө хангалттай, Орхонтуул, Мандал дунд,  Баянгол, Цагааннуур, Орхон сумдын нутгаар хангалтгүй, Бэлчээрийн талбайн 0-20, 0-50см-ийн гүнд  Ерөө дунд,  Баянгол,  Орхон сумдын нутгаар чийг  хангалтгүй байна.

Бэлчээрийн ургамлын хөнөөлт царцааны ажиглалт: Сүхбаатар, Ерөө, Хушаат, Зүүнбүрэн, Хүдэр, Түшиг сумдын нутгаар бараан далавчит, тоонолжилт  царцаа 1м²-т  хүрээнд дунджаар 1-4 ажиглагдсан.

Хөдөө аж ахуйн үйлдвэрлэлд:  МАА-н үйлдвэрлэлд  ихэнх сумдын нутгаар хонь хяргах, мал оторлох, бод мал төллүүлэх,  газар тариалангийн үйлдвэрлэлд төмс, хүнсний ногоо услах, хор, бордоо цацах ажил явагдаж байна.

     Тойм бичсэн             Г. Мөнгөнтуяа