2020 оны 5-дугаар сарын 2-р арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын   дундаж   температур  11.5-14.7 градус,  агаарын  хамгийн  их  температур 24.2-27.1 градус  дулаан,   хамгийн  бага  температур   2.0-1.7 градус  хүйтэн. Хөрсний  дундаж  температур  15.7-22.3 градус,   хамгийн  их  температур 47.5-58.6 градус  дулаан,  хамгийн  бага  температур 0.6-5.4 градус  хүйтэн  байлаа.

Хур тунадастай өдрийн тоо, тунадасны хэмжээ: Сүхбаатар, Цагааннуур, Түшиг, Бугант сумдын нутгаар 13.6-17.4мм, бусад сумдын нутгаар 2.6-9,2мм тунадас орсон байна.

Салхитай өдрийн тоо,  хамгийн их хурд: Салхины хамгийн их хурд Сүхбаатар, Баянгол, Орхон, Ерөө, Орхонтуул, Цагааннуур, Мандал  сумдын нутгаар 17-22м/с, бусад сумдын нутгаар 5-14м/с хүрсэн байна.    

Бэлчээрийн  ургамлын үе шат, өндөр, ургалтын байдал: 5 дугаар сарын 20-ны байдлаар  ургамлын ургалтын  байдал 70 гаруй  хувьд нь сайн, 20 орчим  хувьд  дунд, ургамлын дундаж өндөр 2-8см байна.

Хөрсний чийгшил: Буудай, төмсний талбайн 0-20, 0-50см-ийн гүнүүдэд Мандал, Баянгол, Орхон, Орхонтуул, сумдын нутгаар чийг хангалтгүй, Цагааннуур, Ерөө сумд хангалттай, 0-100см-ийн гүнд  Баянгол хангалтгүй, Орхон, Орхонтуул дунд,  Мандал, Ерөө, Цагааннуур сумдын нутгаар хангалттай гэсэн үнэлгээтэй байна.

Бэлчээрийн талбайн 0-20см-ийн гүнд  Орхон, Баянгол сумдын нутгаар хангалтгүй, Ерөө дунд 0-50, 0-100см- ийн гүнд  Орхон,  Баянгол,  хангалтгүй, Ерөө хангалттай.

Бэлчээрийн ургамлын хөнөөлт царцаа, мэрэгчдын ажиглалт: Сүхбаатар суманд бараан далавчит, тоонолжилт царцаа ажиглагдсан бөгөөд 1м²–т хүрээнд дундажаар 1 ширхэг тоологдсон байна. Бусад сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  бог, бод мал төллүүлэх, хөөвөр хялгас авах, мал оторлох,  газар тариалангийн үйлдвэрлэлд , төмс хүнсний ногоо тариалах, үр суулгах ажилууд явагдаж байна.