2021 оны 3-дугаар сарын 1-р арав хоногийн ХААЦУ-ын тойм

Агаарын температур: Арав хоногийн агаарын дундаж температур 7.4 градус хүйтэн  буюу Хүдэр, Түшиг  сумдын нутгаар  олон жилийн дунджийн орчим, бусад сумдын нутгаар дунджаас 1.6-8.4 градусаар дулаан, хамгийн их температур 5.4-14.0 градус дулаан,  хамгийн бага температур  23.4-30.6 градус хүйтэн.  Хөрсний дундаж температур 2.8-12.7 градус хүйтэн,  хамгийн их температур 8.6-24.7градус дулаан,  хамгийн бага температур  24.0-32.2 градус хүйтэн байлаа.

Хур тунадастай өдрийн тоо, тунадасны хэмжээ: Баянгол, Орхонтуул, Мандал, Зүүнбүрэн, Хүдэр, Бугант, Хушаат сумдын нутгаар 0.0-0.7мм, 1-2өдөр, бусад сумдын нутгаар  тунадас ороогүй .

Салхитай өдрийн тоо,  хамгийн их хурд:  Салхины хамгийн их хурд Сүхбаатар, Баянгол, Орхон,  Ерөө, Орхонтуул,  Мандал, Цагааннуур, Зүүнбүрэн, Хушаат сумдын нутгаар  10-18м/с,  бусад сумдын нутгаар 3-8м/c салхитай байлаа.

Цасан бүрхүүлийн бүрхэц, зузаан см, нягт:  Цасны дундаж зузаан Хүдэр, Түшиг, Бугант, Зүүнбүрэн сумдын нутгаар 1-13см, цасны нягт 0,24-0,26 гр/см³, бусад сумдын нутгаар цасгүй байна .  Цас ихтэй   байсан Түшиг сумын нутгаар малын бэлчээрлэлт саатаж, хаваржилтын байдал хүндэрээд байна. Иймд тухайн сумын 4 зүгийг хамруулан цасны нэмэлт ажиглалтыг хийсэн бөгөөд сумын төвөөс зүүн зүгт Бооц хэмээх газар цасны зузаан хамгийн их буюу дундаж зузаан 15см, хунгар газартаа 30-35см зузаан цасан бүрхүүлтэй байна.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, бог, бод мал төллүүлэх  ажилууд явагдаж байна.