2023 оны 04-р сарын 2-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 0.7-2.5 градус   дулаан,   агаарын  хамгийн  их  температур 13.0-19.3 градус дулаан,  хамгийн бага  температур -10.4…-16.4 градус хүйтэн. Хөрсний  дундаж температур  -0.0 градус хүйтэнээс…7.8 градус дулаан,  хамгийн  их  температур  20.5 - 40.0 градус дулаан,  хамгийн  бага  температур -13.5…-19.2 градус  хүйтэн байлаа.

Хур тунадастай өдрийн тоо, тунадасны хэмжээ: Сүхбаатар, Баянгол, Ерөө,  Орхонтуул, Цагааннуур, Мандал, Түшиг,  Хүдэр, Бугант, Хушаат  сумдын нутгаар  2.1-11.0мм, бусад сумдын нутгаар 0.2-1.7мм  цас 2-4 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол, Ерөө, Орхонтуул, Цагааннуур, Мандал сумдын нутгаар салхи 16-22м/с бусад сумдын нутгаар 11-14м/с  салхитай байлаа. 

Бэлчээрийн  ургамлын үе шат, өндөр, ургалтын байдал: 4-дүгээр сарын 20-ны байдлаар  нийт сумдын нутгаар ургамлын ургалт   дунд зэрэг,  Орхон, Түшиг сумдын нутгаар ургамлын дундаж өндөр 0см, бусад сумдын нутгаар 1-2см   байна.

Хөрсний чийгшил: Буудай, төмсний талбайн 0-20см-ийн гүнд, Орхонтуул, Баянгол, Цагааннуур,  Ерөө, Мандал сумдын нутгаар хангалттай, Орхон дунд, 0-50см-ийн гүнд Орхон, Орхонтуул, Мандал сумдын нутгаар хангалттай, Цагааннуур дунд, Ерөө, Баянгол сумдын нутгаар хөрс хөлдүү,  0-100см-ийн гүнд Орхонтуул дунд, бусад сумдын нутгаар хөрс хөлдүү байна.

Бэлчээрийн талбайн:  0-20см-ийн гүнд  Баянгол, Орхон, Ерөө сумдын нутгаар хөрсний чийг хангалтгүй, 0-50см-ийн гүнд  дунд гэсэн үнэлгээтэй байна.

Бэлчээрийн ургамлын хөнөөлт царцаа, мэрэгчдийн ажиглалт: Нийт сумдын нутгаар царцаа ажиглагдаагүй. Бэлчээрийн талбайд Хушаат, Ерөө, Орхонтуул сумдын нутгаар үлийн цагаан оготно ажиглагдаж 50х50 м (0.25 га)  талбайд  дундажаар 4-5  ширхэг тоологдсон байна.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, бог, бод  мал төллөх, ямаа самнах  ажил үргэлжилж  байна.