2023 оны 05-р сарын 1-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 9.4-11.1 градус   дулаан,   агаарын  хамгийн  их  температур 21.7-25.3 градус дулаан,  хамгийн бага  температур -0.8…-5.9 градус хүйтэн. Хөрсний  дундаж температур 10.2 - 16.9 градус дулаан,  хамгийн  их  температур  35.9 - 52.9 градус дулаан,  хамгийн  бага  температур -3.8…-6.5 градус  хүйтэн байлаа.

Хур тунадастай өдрийн тоо, тунадасны хэмжээ: Баянгол, Орхон, Орхонтуул,  Мандал, Баруунбүрэн, Түшиг  сумдын нутгаар  3.0-5.9мм, бусад сумдын нутгаар 0.8-2.7мм  тунадас 2-3 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол,  Ерөө, Орхонтуул, Цагааннуур, Мандал, Хцшаат сумдын нутгаар салхи 14-22м/с бусад сумдын нутгаар 5-14м/с  салхитай байлаа. 

Бэлчээрийн  ургамлын үе шат, өндөр, ургалтын байдал: 5-дүгээр сарын 10-ны байдлаар  нийт сумдын нутгаар ургамлын ургалт   дунд зэрэг, ургамлын дундаж өндөр нийт сумдын нутгаар 1-4см   байна.

Хөрсний чийгшил: Буудай, төмсний талбайн 0-20см-ийн гүнд, Орхонтуул, Баянгол, Цагааннуур,  Ерөө, Мандал сумдын нутгаар хангалттай, Орхон дунд, 0-50см-ийн гүнд Орхон дунд, Баянгол, Цагааннуур, Ерөө,  Орхонтуул, Мандал сумдын нутгаар хангалттай,  0-100см-ийн гүнд Орхонтуул, Баянгол хангалттай, Ерөө хөрс хөлдүү байна.

Бэлчээрийн талбайн:  0-20см-ийн гүнд  Баянгол, Орхон, Ерөө сумдын нутгаар хөрсний чийг хангалтгүй, 0-50см-ийн гүнд Орхон, Ерөө дунд гэсэн үнэлгээтэй байна.

Бэлчээрийн ургамлын хөнөөлт царцаа, мэрэгчдийн ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, бог, бод  мал төллөх, ямаа самнах  ажил үргэлжилж  байна.