2024 оны 7-р сарын 3-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын  дундаж температур 20.8-23.4 градус,  агаарын  хамгийн  их  температур 29.2-32.2 градус, хамгийн бага  температур 11.7-16.5градус дулаан. Хөрсний  дундаж температур  24.0-31.7 градус,  хамгийн  их  температур  52.3-66.3 градус,  хамгийн  бага  температур  10.4-14.8градус дулаан байлаа.

Хур тунадастай өдрийн тоо, тунадасны хэмжээ: Хүдэр, Бугант, Мандал, Түшиг, Ерөө сумдын нутгаар 39.6-54.2мм 4-5өдөр, бусад сумдын нутгаар 9.3-27.4мм, 2-8 өдөр орсон  байна.

Салхитай өдрийн тоо, хамгийн их хурд: Баянгол, Сүхбаатар, Цагааннуур, Ерөө, Орхон, Мандал, Орхонтуул сумдын нутгаар 10-16м/с, 1-7 өдөр бусад сумдын нутгаар 5-6м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл  7-дугаар сарын 31-ны байдлаар  ургамлын ургалтын  байдал 80  хувьд  сайн, 20  хувьд дунд, бэлчээрийн ургамлын ургац  Ерөө, Орхонтуул, Түшиг сумдын нутгаар 11.8-15.7ц/га, бусад сумдын нутгаар 1.2-6.9ц/га, ургамлын дундаж  өндөр 12-48см байлаа.

Улаанбуудайн ургалтын байдал ихэнх сумдын нутгаар сайн,  Орхон, Ерөө Орхонтуул  цэцэглэлт, Цагааннуур, Баянгол  сумдын нутгаар сүүнбололтын үе шат ажиглагдсан. Ургамлын дундаж өндөр 64-104см, түрүүний урт 7-12см. Баянгол, Мандал сумын нутгаар төмс цэцэглэлт ажиглагдсан, ургалтын байдал  сайн, ургамлын дундаж өндөр 28-35см байна.

Хөрсний чийгшил: Буудай, төмсний талбайн 0-20, 0-50, 0-100см-ийн гүнүүдэд Цагааннуур хангалттай, Ерөө, Баянгол, Мандал, Орхонтуул сумдын нутгаар дунд, Орхон хангалтгүй,  Бэлчээрийн талбайн: 0-20, 0-50см-ийн гүнүүдэд Ерөө дунд, Орхон, Баянгол сумдын нутгаар  хөрсний чийг хангалтгүй  байна.

Бэлчээрийн ургамлын хөнөөлт царцааны ажиглалт ажиглалт: Ихэнх сумдын нутгаар бараан далавчит, богино далавчит тоонолжилт царцаа, барабины таршаа, өргөн далавчит таршаа ажиглагдсан бөгөөд 1мквд талбайд дундажаар 2-6ширхэг царцаа  ажиглагдсан. Цагааннуур, Орхон сумдын нутгаар царцаа ажиглагдаагүй

Хөдөө аж ахуйн үйлдвэрлэлд: МАА-н үйлдвэрлэлд  мал оторлох, сааль сүү бэлтгэх, газар тариаланд  улаанбуудайн  бордоо цацах, уринш боловсруулах, төмс манах  ажил явагдаж байна