2024 оны 9-р сарын 2-дугаар арав хоногийн ХААЦУ-ын тойм

Агаарын температур: Нийт  сумдын  нутгаар  арав   хоногийн   агаарын  дундаж температур 8.8-10.5 градус,  агаарын  хамгийн  их  температур 19.9-24.7 градус, хамгийн бага  температур -1.7…… -6.1градус хүйтэн. Хөрсний  дундаж температур  12.4-15.3 градус,  хамгийн  их  температур  33.2-43.8 градус,  хамгийн  бага  температур  -2.3…..-7.0градус хүйтэн байлаа.

Хур тунадастай өдрийн тоо, тунадасны хэмжээ: Баянгол, Мандал, Хүдэр, Түшиг сумдын нутгаар 7.3-17.5мм 2-5өдөр, бусад сумдын нутгаар 1.3-6.4мм, 1-4 өдөр орсон  байна.

Салхитай өдрийн тоо, хамгийн их хурд: Баянгол, Сүхбаатар, Цагааннуур, Мандал, Орхон, Орхонтуул, Цагааннуур, Зүүнбүрэн, Хүдэр, Хушаат сумдын нутгаар 10-22м/с, 1-6 өдөр бусад сумдын нутгаар 5-7м/с  салхитай байлаа. 

Бэлчээрийн ургамлын үе шат, өндөр, ургалтын балл  9-дүгээр сарын 20-ны байдлаар  ургамлын ургалтын  байдал 90  хувьд  сайн, 10 хувьд дунд, бэлчээрийн ургамлын ургамлын дундаж  өндөр 16-52см байлаа.

Хөрсний чийгшил: Буудай, төмсний талбайн 0-20, 0-50, 0-100см-ийн гүнүүдэд  Мандал хангалттай, Цагааннуур, Орхон, Орхонтуул Баянгол, Ерөө сумдын нутгаар дунд, Бэлчээрийн талбайн: 0-20, 0-50см-ийн гүнүүдэд Баянгол, Орхон хангалтгүй, Ерөө хөрсний чийг дунд байна.

Бэлчээрийн ургамлын хөнөөлт царцааны ажиглалт: Ихэнх сумдын нутгаар бараан далавчит, богино далавчит тоонолжилт царцаа, барабины таршаа, өргөн далавчит таршаа ажиглагдсан бөгөөд 1мквд талбайд дундажаар 1-2ширхэг царцаа  ажиглагдсан. Хүдэр, Бугант, Цагааннуур, Орхон, Баруунбүрэн, Орхонтуул, Хушаат сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  мал оторлох,  хадлан тэжээл бэлтгэх, газар тариаланд   улаанбуудайн ангилан болон шууд  хураах,төмс,  хүнсний ногоо хураах  ажилууд явагдаж байна.